ՊՆ ՎԱՐՉԱԿԱՆ ՀԱՄԱԼԻՐՈՒՄ ՇԱՐՈՒՆԱԿՎՈՒՄ ԵՆ ՀԱՎԱՔ-ՊԱՐԱՊՄՈՒՆՔՆԵՐԸ

Հավաք-պարապմունքների երրորդ օրը՝ օգոստոսի 29-ին, դասախոսություններով հանդես են եկել ՀՀ ԶՈՒ ԳՇ ռազմավարական պլանավարման վարչության պետ, գեներալ-մայոր Գենադի Տավարածյանը և նույն վարչության սպաները։

Բանախոսների ելույթների թեմաներն էին՝ պետության միասնական կառավարման համակարգի էությունը և դրան ներկայացվող պահանջները, պետության միասնական կառավարման համակարգը խաղաղից պատերազմական ժամանակաշրջանի փոխադրման առանցքային խնդիրները, շտաբային մարզումների հիմնական դրույթները և մշակվող փաստաթղթերը, ինչպես նաև դրանց նախապատրաստման և անցկացման կարգը։ Օրվա ավարտին ցուցադրվել է տեսաֆիլմ՝ շտաբային մարզումների նախապատրաստման և անցկացման վերաբերյալ։