ՆԻԺՆԻ ՏԱԳԻԼՈՒՄ ՑՈՒՑԱԴՐՎԵԼ Է ՌՈՒՍԱԿԱՆ «ՏԵՐՄԻՆԱՏՈՐԸ»
Նիժնի Տագիլում անցկացվող սպառազինության և ռազմական տեխնիկայի 8-րդ միջազգային ցուցահանդեսում ներկայացվել է տանկերի աջակցման «Տերմինատոր» մարտական մեքենան:
«Տերմինատոր»-ը Т-90С տանկի բազայի վրա ստեղծված բազմանպատակ մարտական մեքենա է: Նախատեսված է հակառակորդի` հակատանկային նռնականետներով, հրթիռային համալիրներով, ինչպես նաև հրաձգային զենքով զինված կենդանի ուժի ոչնչացման համար:
Այն կարող է խոցել նաև տանկեր ու ՀՄՄ-ներ, ուղղաթիռներ, ցածր բարձրության վրա թռչող դանդաղընթաց ինքնաթիռներ:
Գերազանց պաշտպանվածության և շարժունակության շնորհիվ «Տերմինատոր»-ը կարող է կիրառվել լեռնային և անտառային տեղանքներում և քաղաքային պայմաններում:
Խորագիր՝ Նորություններ, Ռազմական
