ՈՒԿՐԱԻՆԱՆ ՊԱՏՐԱՍՏՎՈՒՄ Է ԶԵՆՔ ՎԱՃԱՌԵԼ ՌՈՒՍԱՍՏԱՆԻՆ
Ուկրաինան հնարավոր է զրահատանկային տեխնիկա մատակարարի Ռուսաստանին:
Նիժնի Տագիլում անցկացված սպառազինության և ռազմական տեխնիկայի միջազգային ցուցահանդեսին մասնակցած ուկրաինական պատվիրակության ղեկավար Կոնստանտին Լունևը հայտնել է, որ պայմանագիրը պատրաստվում է ստորագրության, սակայն մարտական տեխնիկայի տեսակի և քանակի վերաբերյալ կոնկրետ տեղեկություններ նշելը դեռ վաղ է:
Ցուցադրության ընթացքում ուկրաինական զրահատեխնիկային ծանոթացել են ռուսական զինվորական բարձրագույն հրամանատարության ներկայացուցիչները, այդ թվում ՌԴ գլխավոր շտաբի պետ Նիկոլայ Մակարովը, պաշտպանության նախարարի տեղակալներ Ալեքսանդր Սուխորուկովը, Դմիտրի Բուլգակովը: Ռուս զինվորականներին առավելապես հետաքրքրել է БМП-1М մարտական մեքենան Шквал համալիրով:
Ուկրաինական ցուցասրահ է այցելել նաև ՌԴ վարչապետ Վլադիմիր Պուտինը: Նրան ներկայացրել են տանկերի ուկրաինական նոր շարժիչի` իր տեսակի մեջ նմանը չունեցող տեխնիկական բնութագրերը:
Խորագիր՝ Նորություններ, Ռազմաքաղաքական
