ՁԿՆՈՐՍԱՆԱՎԸ ՀԱՐՎԱԾԵԼ Է ԱՏՈՄԱՅԻՆ ՍՈՒԶԱՆԱՎԻՆ
Կամչատկայի Ավաչինյան ծովախորշում հարբած նավաստիներով ձկնորսական նավը հարվածել է ՌԴ Խաղաղօվկիանոսյան նավատորմի «Սուրբ Գեորգի Հաղթական» ատոմային սուզանավին: Սուզանավը գտնվել է վերջրյա վիճակում, կողմնորոշման (նավիգացիոն) լույսերը միացրած:
Միջադեպի հետևանքով սուզանավը աննշան վնասվել է, տուժածներ չկան: Ռադիացիոն միջավայրը նորմայի սահմաններում է:
«Սուրբ Գեորգի Հաղթական» ատոմային սուզանավը սպառազինության է վերցվել 1980թ.: Այն կրում է միջմայրցամաքային 16 բալիստիկ հրթիռ: 1983թ. ԽՍՀՄ պատմության մեջ առաջին անգամ նավարկել է Հյուսիսային բևեռի շուրջ և ստորջրյա վիճակում հաղթահարել Չուկոտյան ծովը:
Խորագիր՝ Նորություններ