Հայ զինվոր

ՈԳԵԿՈՉՄԱՆ ԵՎ ՄԿՐՏՈՒԹՅԱՆ ԱՐԱՐՈՂՈՒԹՅՈՒՆՆԵՐ

Խաղաղապահ ուժերի բրիգադի անձնակազմը այցելել էր Բալահովիտի Ի. Վիրաբյանի անվան միջնակարգ դպրոց, որտեղ կազմակերպվել էր 2016 թ․ քառօրյա պատերազմում զոհվածների ոգեկոչման արարողություն: Խնկարկումից հետո դպրոցի սաները զոհված տղաներին նվիրված կատարումներով հանդես եկան: Այնուհետեւ ելույթ ունեցան խաղաղապահ ուժերի բրիգադի զինծառայողները:

Նույն օրը Նուբարաշենի Սուրբ Նահատակաց եկեղեցում տեղի ունեցավ N 11 հատուկ դպրոցի 14 սաների մկրտությունը. կնքահայրերի հանձնառությունն ստանձնել էին խաղաղապահ ուժերի բրիգադի զինծառայողները: Մկրտության արարողությունը կատարվեց ավագ գնդերեց տեր Ենովք քահանա Եսայանի ձեռամբ: Արարողությունից հետո երեխաներին անակնկալ էր սպասում. զինծառայողները նրանց մուլտհերոսների մասնակցությամբ ուրախ համերգային ծրագիր ներկայացրին: