ԻՐԱՆԸ ՀԱԿԱՆԱՎԱՅԻՆ ԹԵՎԱՎՈՐ ՀՐԹԻՌՆԵՐԻ ՄԱՍՍԱՅԱԿԱՆ ԱՐՏԱԴՐՈՒԹՅՈՒՆ Է ՍԿՍԵԼ

Իրանն սկսել է Ghader ծովային թևավոր հրթիռների մասսայական արտադրությունը: Անտեսանելիությունն ապահովող տեխնոլոգիաներով արտադրվող նոր հրթիռները մշակվել են հատուկ վերջրյա ռազմանավերին, նաև ցամաքային օբյեկտներին հարվածելու նպատակով:

Նմանատիպ նախկին մշակումներից Ghader-ը տարբերվում է գործողության ավելացված շառավղով: Այն թիրախները կարող է խոցել մինչև 200 կմ հեռավորության վրա: Այն նաև նշանակետի ոչնչացման ավելի հզոր ներուժ ունի, ունակ է գերճշգրիտ հարվածներ հասցնել:

Հականավային հրթիռները ռազմածովային ուժերին փոխանցելու արարողությանը հետևել են Իրանի պաշտպանության նախարար Ահմադ Վահիդին և ռազմածովային նավատորմի հրամանատար Հաբիբոլա Սայարին: