ՀԱՏՈՒԿ ՆՇԱՆԱԿՈՒԹՅԱՆ ՍՏՈՐԱԲԱԺԱՆՈՒՄԸ ԿԱՏԱՐԵԼ Է ԱՌԱՋԱԴՐՎԱԾ ԽՆԴԻՐԸ

ՀՀ ԶՈՒ hատուկ նշանակության ստորաբաժանումներից մեկը ռազմավարական զորավարժության շրջանակում ստացել էր առաջադրանք` հայտնաբերել պայմանական հակառակորդի հրամանատարական կետը և ոչնչացնել այն, շարքից հանելով նաև մարտական տեխնիկան:

Ստորաբաժանման զինծառայողների ներդաշնակ գործողությունների արդյունքում առաջադրված խնդիրը կատարվել է. հաղթահարվել են բոլոր խոչընդոտները, ականազերծվել ականապատ տարածքները, վնասազերծվել ժամապահները, ոչնչացվել է պայմանական հակառակորդի հրամանատարական կետն ու մարտական տեխնիկան: Հատուկ նշանակության խումբը, կատարելով մարտական խնդիրը, առանց կորուստների վերադարձել է ելման դիրքեր: