ԱՖՂԱՆՍՏԱՆ ԲԵՌՆԱՓՈԽԱԴՐՈՒՄՆԵՐԸ ԿԻՐԱԿԱՆԱՑՎԵՆ ՆՈՐ` ՂԱԶԱԽՍՏԱՆՅԱՆ ԵՐԹՈՒՂՈՎ
Ղազախստանի սենատը վավերացրել է իր երկրի տարածքում գործող նոր տարանցիկ կետով դեպի Աֆղանստան հատուկ նշանակության բեռներ փոխադրելու մասին համաձայնագիրը, որով, ի լրումն ուզբեկ-աֆղանական սահմանին գործող տարանցիկ կետի, նախատեսվում է գործարկել նաև բեռնափոխադրման Բեյնեու-Կարակալպակիա երկաթուղային ճանապարհը: Մեկնաբանելով սենատի որոշումը` փոխարտգործնախարար Կոնստանտինա Ժիգալովան ասել է, որ կողմ քվերակելիս հաշվի են առնվել Ղազախստանի ազգային շահերը. Ամերիկյան կողմը վճարելու է բեռնափոխադրումների համար, բացվելու են նոր աշխատատեղեր, և ընդհանրապես` այս համաձայնագիրը «մեծ ավանդ է աֆղանական խնդրի լուծմանը միտված բազմազգ ջանքերի գործում»:
