ՌՈՒՍԱՍՏԱՆԸ ԶԵՆՔՈՎ ԿՊԱՇՏՊԱՆԻ ԻՐ ՇԱՀԵՐՆ ԱՐԿՏԻԿԱՅՈՒՄ
Այդ մասին հայտարարել է ՌԴ նախագահ Դմիտրի Մեդվեդևը` հավելելով, որ հակառակ դեպքում այնտեղ տեր ու տնօրինություն կանեն այլ պետություններ: Թեև Արկտիկան անմիջականորեն հարում է Ռուսաստանին, իսկ Հյուսիսային Սառուցյալ օվիանոսը միջազգային-իրավական տեսանկյունից իրենց ափերը ողողող ծով է, աշխարհագրական տեսանկյունից էլ` Ռուսաստանի ծովային տարածքը, Մոսկվան զարմացած է, որ արտատարածաշրջանային և, ընդհանրապես, աշխարհի մյուս ծայրում գտնվող պետությունները պատրաստվում են խոշոր ներդրումներ կատարել Արկտիկայի բնական ռեսուրսների հետազոտման գործում:
Ռուսաստանի Դաշնության նախագահը տեղեկացրել է, որ հարցը բազմիցս քննարկվել է անվտանգության խորհրդի նիստերում, եւ որ ինքը, խոսելով ազգային շահերի պաշտպանության մասին, նկատի ունի նաև անվտանգությանն առնչվող խնդիրների լուծումը, ապա հայտարարել է, որ այդ հարցերի վերաբերյալ որոշումները Մոսկվան արդեն ընդունել է:
Խորագիր՝ Նորություններ, Ռազմաքաղաքական
