ԲԱՐԵԳՈՐԾՈՒԹՅՈՒՆԸ ՓՐԿԵՑ ՊԱՇՏՊԱՆՈՒԹՅԱՆ ՆԱԽԱՐԱՐԻՆ

Գերմանիայի դատախազությունը գրագողության մեջ մեղադրվող պաշտպանության նախկին նախարար Կարլ-Թեոդոր ցու Գուտենբերգի նկատմամբ սահմանված հետաքննությունը դադարեցրել է: Այս մասին հաղորդում է Agence France-Presse-ը:

Հետաքննությունը կասեցվել է այն բանից հետո, երբ կասկածյալը 20 հազար եվրո է տրամադրել բարեգործությանը. նա այդ գումարը փոխանցել է քաղցկեղով հիվանդ երեխաների ֆոնդին:
Սա, իհարկե, առաջին դեպքը չէ Գերմանիայում, երբ կասկածյալի վրայից հանում են բոլոր մեղադրանքները բարեգործական մեծ նվիրատվության դիմաց: