ՀՐԴԵՀ ՌՈՒՍԱԿԱՆ ԱՏՈՄԱՅԻՆ ՍԱՌՑԱՀԱՏՈՒՄ

Երեկ` կեսգիշերից քիչ անց, հրդեհ է բռնկվել Կրասնոյարսկի երկրամասի ափամերձ շրջանում գտնվող ռուսաստանյան քաղաքացիական ատոմային նավատորմի միառեակտոր «Վայգաչ» սառցահատի վրա: Կրակը, որ, ըստ քննիչների եզրակացության, առաջացել է նավասենյակում մի շարք էլեկտրական սարքեր միացված թողնելու հետևանքով, արագորեն ընդգրկել է երեք սենյակ և միայն օգնության հասած հրշեջների օգնությամբ մարվել շուրջ երկուսուկես ժամ անց: Հրդեհի հետևանքով զոհվել է երկու և հոսպիտալացվել մեկ նավաստի: