ՊԵՆՏԱԳՈՆԸ «ՆՈՐՄԱԼԱՑՆՈՒՄ Է» ՀԱՐԱԲԵՐՈՒԹՅՈՒՆՆԵՐԸ ԹԲԻԼԻՍԻԻ ՀԵՏ

2012 թվականի ԱՄՆ ռազմական բյուջեով նախատեսվում է կարգավորել ռազմական համագործակցությունը Վրաստանի հետ և վերականգնել Թբիլիսիին ամերիկյան սպառազինության վաճառքը, ինչը դադարեցվել էր 2008 թվականի ռուս-վրացական պատերազմից հետո: Վաշինգտոնի մշակելիք ծրագիրն ընդգրկելու է սպառազինության՝ հիմնականում հակաօդային ու հակատանկային պաշտպանության միջոցների գնման մասին վերջին երկու տարիներին Թբիլիսիի ներկայացրած բոլոր հայտերը: Ծրագիրը լինելու հրապարակային, սակայն չի բացառվում, որ կունենա նաև գաղտնի հավելված և նպատակ ունի օգնել Վրաստանին՝ ապահովելու իր տարածքների պաշտպանությունն ու ընդլայնելու մասնակցությունը Աֆղանստանում ՆԱՏՕ-ի կողմից իրականացվող միջազգային խաղաղարար գործողությանը: