ԶՈՒ ՀՈԳԵՎՈՐ ԱՌԱՋՆՈՐԴՆ ԱՅՑԵԼԵԼ Է ԶՈՐԱՄԱՍ

ՀՀ ԶՈւ հոգևոր առաջնորդ, հոգեշնորհ Տեր Մովսես վարդապետ Սարգսյանը այցելել է Գյումրու N զորամաս, զինծառայողներին է ներկայացրել Հարության տոնի խորհուրդն ու կատարել զինվորների օրհնության կարգ:

ԶՈւ հոգևոր առաջնորդը շրջել է զորամասի տարածքով, հետևել եկեղեցու բարեկարգման աշխատանքներին, զրուցել զինծառայողների հետ: Նրան ուղեկցել է Աստվածաշնչային ընկերության ծրագրերի համակարգող Արշավիր Գաբուճյանը, որը զորամասին է նվիրել հոգևոր գրականություն: