ՀՈՒՄՈՐԸ ՃՇՄԱՐՏՈՒԹՅՈՒՆՆ Է՝ ԿՅԱՆՔԻ ՀԱՄԱՐ ԱՆՎՏԱՆԳ ՉԱՓԱԲԱԺՆՈՎ

Ցանկացած գործ կարելի է անել երեք ձևով՝ ճիշտ, սխալ և բանակային:

♦♦♦

Եթե թշնամին չի սպառնում, բանակը վտանգի մեջ է:

Արկադի Դավիդովիչ

♦♦♦

Զինվորից պահանջվում է նախևառաջ դիմացկունություն և համբերություն: Խիզախությունը երկրորդական է:

Նապոլեոն Առաջին

♦♦♦

Զինվորական գլխարկը դեֆորմացնում է գլուխը:

Մորիս Դրյուոն

♦♦♦

Ջենթլմենները գերադասում են շիկահերներին, բայց ամուսնանում են սևահերների հետ:

Անիտա Լուս

♦♦♦

Ջենթլմենները գերադասում են շիկահերներին, հատկապես եթե ամուսնացած են սևահերների հետ:

♦♦♦

Իմ կնոջն անվանում են հիմար շիկահեր, բայց դա սուտ է. նա շիկահեր չէ:

Ռոբերտ Օրբեն

♦♦♦

Ժողովրդական վերելքի դարաշրջաններում մարգարեները դառնում են առաջնորդ, իսկ անկման շրջանում առաջնորդներն են դառնում մարգարե:

Գրիգորի Լանդաու

♦♦♦

Ժողովրդին առաջնորդելն ավելի հեշտ է, քան տեղից շարժելը:

Դևիդ Ֆինկ

♦♦♦

Պետությունը փրկելու համար մեկ մեծ մարդն էլ բավական է:

Վոլտեր

♦♦♦

Ժողովուրդը, որը կարող է փրկվել մեն-միակ մարդու շնորհիվ, արժանի է մտրակի:

Յոհան Զեյմե

♦♦♦

Երբեմն բավական է, որ մի մարդ աչքերը փակի, և միլիոնավորների աչքերը կբացվեն:

Բոգուսլավ Վոյնար

♦♦♦

Յուրաքանչյուր բռնապետ պետք է իմանա իր վզի չափսը:

Վլոդզիմեժ Սչիսլովսկի

♦♦♦

Դժվար առաջադրանքները կատարում ենք անհապաղ, իսկ անհնարինները՝ փոքր-ինչ ուշ:

ԱՄՆ ՌՕՈՒ կարգախոսը

♦♦♦

Ուզում ես առավելագույնը ստանալ՝ պահանջիր անհնարինը:

♦♦♦

Ռազմագիտությունը կարող է ծաղկել միայն խաղաղ ժամանակ:

Դոն Ամինադո

♦♦♦

Պատերազմն ընդամենը փախուստ է խաղաղ ժամանակվա խնդիրներից:

Թոմաս Ման

♦♦♦

Պատերազմները սկսվում են մարդկանց մտքերում:

ՅՈՒՆԵՍԿՕ-ի կանոնադրության ներածականից

♦♦♦

Պատերազմն ավարտված է միայն այն ժամանակ, երբ թաղված է վերջին զինվորը:

Ալեքսանդր Սուվորով

♦♦♦

Պատերազմի առաջին զոհը ճշմարտությունն է:

Ջոնսոն Հայրամ

♦♦♦

Պատերազմի ժամանակ ճշմարտությունն այնքան թանկ է, որ նրան պետք է պահպանեն ստի թիկնապահները:

Ուինսթոն Չերչիլ

♦♦♦

Պատերազմը դարձել է ճոխություն, որը կարող են թույլ տալ միայն փոքր ազգերը:

Հաննա Արենդտ

♦♦♦

Պատերազմները սկսում են, երբ ցանկանում են, ավարտում են, երբ կարողանում են:

Նիկոլո Մաքիավելի

♦♦♦

Կռվածների համար պատերազմը երբեք չի ավարտվում:

Կուրցիո Մալապարտե

♦♦♦

Պատերազմի նպատակը խաղաղությունն է:

Արիստոտել

♦♦♦

Պատերազմն ավարտելու ամենաարագ ձևը տանուլ տալն է:

Ջորջ Օրուել

♦♦♦

Երրորդ համաշխարհայինի վետերաններ չեն լինելու:

Ուոլտեր Մոնդեյլ

♦♦♦

Իսկական թշնամին քեզ երբեք չի լքի:

Ստանիսլավ Եժի Լեց

♦♦♦

Մեր թշնամիների դատողությունները մեր մասին ավելի մոտ են ճշմարտությանը, քան մեր սեփականը:

Ֆրանսուա Լարոշֆուկո

♦♦♦

Չի կարելի թշնամուն նայել զզվանքով. բա որ պետք լինի նրան ուտե՞լ:

Ստանիսլավ Եժի Լեց

♦♦♦

Գեներալը եֆրեյտոր է, որի կոչումը բազմիցս բարձրացրել են:

Գաբրիել Լաուբ

♦♦♦

Ոչինչ այնքան չի բարձրացնում մարտական ոգին, որքան մեռած գեներալը:

Ջոն Մաստերս

♦♦♦

Հանճարը կրակում է թիրախին, որը ոչ ոք չի տեսնում, և խոցում է:

♦♦♦

Հանճար՝ մարդ, որն ունակ է լուծելու խնդիրներ, որոնց մասին դուք չգիտեիք, այնպիսի եղանակով, որոնք ձեզ համար անհասկանալի են:

Ֆ.Կեռնան

♦♦♦

Յուրաքանչյուր երեխա մասամբ հանճար է, և յուրաքանչյուր հանճար՝ մասամբ երեխա:

Արթուր Շոպենհաուեր

♦♦♦

Ոչինչ այնքան չի փչացնում լավ երեկույթը, որքան հանճարը:

Էլզա Մաքսուել

♦♦♦

Հերոսները պետք են վտանգի պահին, իսկ մնացած ժամանակ նրանք վտանգավոր են:

Գաբրիել Լաուբ

♦♦♦

Ինչ հիմարություն էլ դուք չհնարեք, միշտ կգտնվի մեկը, որն այն կիրագործի:

♦♦♦

Ամեն հիմարություն իր ժամանակն ունի:

Վիկտոր Ժեմչուժնիկով

♦♦♦

Հիմարություն ասելուց առաջ մտածե՛ք:

Սեմյոն Ալտով

♦♦♦

Ամենաանպարտելին այն մարդն է, որ չի վախենում հիմար լինելուց:

Վասիլի Կլյուչևսկի

♦♦♦

Հեռագրասյունը երբեք չի հասկանա հեռագրության սկզբունքը:

Լեխ Սոբեսկի

♦♦♦

Համարձակ դուրս արի ափերից, եթե այլ ելք չկա:

Յանուշ Վասիլկովսկի

♦♦♦

Մենք բոլորս եռում ենք տարբեր ջերմաստիճաններում:

Ռալֆ Էմերսոն

♦♦♦

Պետությունը երկրային կյանքը դրախտի վերածելու համար չէ, այլ թույլ չտալու, որ այն վերջնականապես վերածվի դժոխքի:

Նիկոլայ Բերդյաև

♦♦♦

ԽՍՀՄ-ը ում հետ ցանկանում է, նրա հետ էլ սահմանակցում է:

♦♦♦

Մեծ տարբերություն կա՝ մարդ չի՞ ցանկանում, թե՞ չի կարող մեղսագործել:

Սենեկա

♦♦♦

Ուզում ես ամբողջ աշխարհը գրկել՝ գլոբուս գնիր:

Միխայիլ Գենին

♦♦♦

Անփորձ աղջիկներից կարելի է շատ բան սովորել:

Ջովաննի Կազանովա

♦♦♦

Լավիկ աղջիկը կարող է հագնել համարյա ամեն ինչ կամ համարյա ոչինչ:

♦♦♦

Ձգտիր լինել քո տարիքի ամենաերիտասարդ աղջիկը:

Ռենատա Շուման-Ֆիկուս

♦♦♦

Եթե ջահելները աղջիկների մասին իմանային այն, ինչ գիտեն նրանց մայրիկները, աշխարհը ամուրիներով լի կլիներ:

Յանինա Իպոխորսկայա

♦♦♦

Ժողովրդավարությունը կառավարման ամենավատ ձևն է՝ չհաշված մյուսները:

Ուինսթոն Չերչիլ

♦♦♦

Ժողովրդավարությունը սխալ ընտրություն կատարելու իրավունքն է:

Ջոն Պատրիկ

♦♦♦

Ժողովրդավարությունը կառավարման ձև է, որի օրոք յուրաքանչյուրը ստանում է այն, ինչին արժանի է մեծամասնությունը:

Ջեյմս Դեյլ Դևիդսոն

♦♦♦

Ժողովրդավարության օրոք հիմարներն իրավունք ունեն քվեարկելու, բռնապետության օրոք՝ իշխելու:

Բերտրան Ռասել

♦♦♦

Ծննդյան օրերը հաճելի բան են, բայց մեծ չափաբաժիններով՝ մահացու:

Խորագիր՝ #51 (916) 29.12.2011 – 4.01.2012, Հոգևոր-մշակութային, Ուշադրության կենտրոնում