ՌԴ ԻՆԺԵՆԵՐԱԿԱՆ ԶՈՐՔԵՐԻ ՖԻՆԱՆՍԱՎՈՐՈՒՄԸ 2012-ԻՆ ԿԱՎԵԼԱՆԱ ԵՐԿՈՒ ԱՆԳԱՄ
Միջոցները կծառայեցվեն զորատեսակը արդիականացնելու, գիտահետազոտական ու փորձակոնստրուկտորական աշխատանքներ իրականացնելու, ինչպես նաև նոր տեխնիկա ձեռք բերելու համար: Հայտնելով այս մասին, ՌԴ ցամաքային զորքերի ներկայացուցիչը լրագրողներին տեղեկացրել է, որ 2011 թվականին ՌԴ ինժեներական զորքերը ստացել են «БМК-225» տիպի նոր բուքսիրային կատերներ, սակրավորի արդիականացված հանդերձանք, նոր ականորսիչներ ու պայթեցման միջոցներ, ինչպես նաև 100 նորագույն հզոր ու հուսալի ավտոկռունկներ, որոնք կարող են աշխատել անգամ այնպիսի վտանգավոր բեռների հետ, ինչպիսին է միջուկային զինամթերքը:
