Հոբելյանի առիթով անցկացվող միջոցառումներից էր հոկտեմբերի 27-ին Երևանի Խորենացու փողոցի 22 շենքի պատին ՀՀ Պատերազմի եւ զինված ուժերի վետերանների կոմիտեի հիմնադրման 60-ամյակի առթիվ փակցված հուշաքար-հուշատախտակի հանդիսավոր բացումը, որին ներկա էին ՀՄՊ վետերաններ, հասարակական կազմակերպությունների ներկայացուցիչներ, երիտասարդներ, «Մենք հաղթանակի ժառանգներն ենք» խորհրդի երիտասարդ անդամներ:

Մեր որդին` Դավիթ Ստեփանյանը, ծառայում է բանակում, հայրենիքի պաշտպան է: Ամեն օր, ամեն ժամ մտքերով նրա հետ ենք ու բանակին, զինվորին վերաբերող ամեն լուր ասես մեր սրտի միջով է անցնում:

Մեկ տարուց ավելի է, ինչ մեր ամբողջ ընտանիքը համակ ուշադրությամբ կարդում է «Հայ զինվոր» պաշտոնաթերթը: Բոլորս ուրախանում ենք մեր բանակի հաջողություններով, հպարտանում, որ դրանցում իր համեստ ներդրումն ունի նաեւ մեր որդին՝ Երեւանի ագրարային համալսարանի ուսանող Ադամ Մարտիրոսյանը: Նա ծառայում է գնդապետ Հ. Թեւոսյանի հրամանատարությամբ գործող զորամասում:

Մայրաքաղաքի Հակոբ Պարոնյանի անվան թիվ 59 հիմնական դպրոցում ռազմահայրենասիրական դաստիարակությունն ամուր հիմքերի վրա է, քանի որ մշտապես արդյունավետ, նպատակային աշխատանք է տարվում: Կրթօջախի սաներից շատերը այսօր սովորում են ռազմական ուսումնական հաստատություններում:

Անկախ Հայաստանում ծնված և մեծացած սերունդն ասես հատուկ առաքելությամբ է լույս աշխարհ եկել՝ շարունակելու, հավաստելու հայի անկոտրում ոգին, իրենց պապերից, հայրերից հետո գրելու մի նոր հերոսական տարեգրություն:

Օրերս Խաչատուր Աբովյանի անվան մանկավարժական համալսարանի պատվիրակությունը՝ պրոռեկտոր Արմեն Թամազյանի գլխավորությամբ, այցելեց Արցախի Հանրապետություն: Նպատակը և՛ գործնական էր, և՛ ճանաչողական:

Նախապես պայմանավորվել էինք: «Երիտասարդական» մետրոյի մոտ փորձեցի հայացքով գուշակել, թե ինձ ընդառաջ եկող երիտասարդներից ո՞ր մեկն է Մխիթար Ալեքսանյանը: Նա ինքը ինձ ձեռքով արեց՝ նկատելով փնտրող հայացքս: Բազմության մեջ մյուս տղաներից առանձնապես չտարբերվող այս ծայրահեղ համեստ, սիրալիր երիտասարդը նստած է դիմացս և հանդարտ ձայնով խոսում է… Ընդամենը մի քանի ամիս առաջ Թալիշի մատույցներում մղվող մարտերի մասնակիցն է եղել… Խոսում է ընտիր հայերենով, փոքր-ինչ բարբառային առոգանությամբ. ծնունդով Վրաստանից է՝ Մառնեուլից: Լսենք նրան: