Սիրով և ջերմությամբ ցանկանում ենք շնորհավորել բանակում ծառայող մեր որդու` Վոլոդյա Հայապետյանի ծննդյան 20-ամյակը:

ԼՂՀ Անկախության հռչակման 25-ամյա տոնախմբությունների շրջանակում սեպտեմբերի 3-ին Արցախի Քաշաթաղի շրջանի Աղավնո գյուղում կայացավ բնակարանամուտ: 2013 թվականից Լիբանանում գործող ԱՐԻ-ARI» («Artsakh Roosts Investment») ներդրումային բաժնետիրական ընկերության ծրագրով այստեղ սկսվեց կառուցվել նոր թաղամաս: Գետի ձախափնյա հատվածում գտնվող նոր թաղամասի փողոցները` կառուցված ու կիսակառույց, արդեն անվանակոչվել են ի պատիվ Արցախյան գոյամարտի սփյուռքահայ մարտիրոսներ Կարո Քահքեջյանի, Վիգեն Զաքարյանի և Մհեր Ջուլհակյանի:

Սեպտեմբերի 1-ին ԵՊՀ «Վարդանանք» ակումբի անդամներն այցելեցին Եռաբլուր զինվորական պանթեոն. անցկացվեց ամենամյա «Գիտելիքի եւ խաղաղության օր Եռաբլուրում» միջոցառումը:

Տոն էր նաև Եղեգնաձորի թիվ 1 հիմնական դպրոցում: Գիտելիքի օրը սկսվեց դպրոցի սաների Հայաստանի Հանրապետության դրոշը դպրոցի բակ դուրս բերելով, որից հետո հնչեց ազգային օրհներգը: Այնուհետև դպրոցի տնօրեն Անուշ Գրիգորյանը ողջունեց և շնորհավորեց բոլոր ներկաներին և հատկապես առաջին դասարանցիներին:

Շարքային Թեւան Հարությունյանը վերջերս տոնեց իր տարեդարձը:

ԼՂՀ Քաշաթաղի շրջանի Հակ գյուղի Սուրբ Մինաս եկեղեցում տեղի ունեցավ 39 երեխայի մկրտության արարողությունը, որին ներկա էին բարերար Վերջինիա Դևիսը (ԱՄՆ) «Թուֆենկյան» հիմնադրամի հիմնադիր Ջեյմս Թուֆենկյանը, Քաշաթաղի շրջվարչակազմի ղեկավարի տեղակալ Արտուշ Մխիթարյանը, այլ պաշտոնատար անձինք, հարևան համայնքների բնակիչներ:

Օրերս Դիլիջանի Հովհաննես Շարամբեյանի անվան ժողովրդական ստեղծագործության կենտրոնի Դիլիջանի մասնաճյուղում Վահագն Շահբազյանի անդրանիկ ցուցահանդեսն էր: Ներկա էին զինակից ընկերները, զինվորներ, արվեստագետներ: