ՀՈՎՀԱՆՆԵՍ ԹՈՒՄԱՆՅԱՆ
Երբեք այսքան մեծ չի եղել անկեղծության կարիքն ու կարոտը, ինչպես այսօր, եւ երբեք այսքան ահռելի չափերով չի հայտնվել կեղծիքը, ինչպես այսօր:

Օգոստոսի 3-ին «Արցախ» հայրենակցական միության կողմից ազգային բանակի ժամկետային զինծառայողներին հատկացվեց 150 տոննա սննդամթերք՝ մակարոնեղեն, բրինձ և հնդակաձավար՝ յուրաքանչյուր սննդատեսակից 50 տոննա:

Սահմանին և շփման գծում հակառակորդը կրկին արկածախնդիր պահվածք է դրսեւորում, մեծացնում է լարվածությունը, կրակում է խոշոր տրամաչափի զենքերից: Ադրբեջանի արկածախնդիր պահվածքը ստանում է արժանի հակահարված: Հայկական զինված ուժերը շարունակում են վստահորեն վերահսկել առաջնագիծը` հետ մղելով հակառակորդին:
Սահմանային միջադեպերը երկրորդ պլան են մղել երկրում տեղի ունեցող քաղաքական, հասարակական կարևորության շատ խնդիրներ. խաղաղություն ամենից առաջ:

«Հայ զինվոր» թերթի ֆեյսբուքյան էջի հազարավոր հետեւորդների անտարբեր չի թողել զորակոչիկ Գոռ Արեւշատյանի՝ «Հաջորդը ես եմ», (չասենք թղթակցություն) անկեղծ խոսքը:
…Վեց եղբայրներից Հրաչը օրեր առաջ է ավարտել ծառայությունը, Խաչիկը շուտով կսկսի իր ծառայությունը, Արմանը սովորում է Մոնթե Մելքոնյանի անվան ռազմական վարժարանում, հորեղբոր երկու փոքր որդիները՝ 4 և 2 տարեկան, սպասում են իրենց հերթին, իսկ Գոռը հաստատակամորեն ասում է՝ «Հաջորդը ես եմ»:

Էրեբունի վարչական շրջանի բնակիչներն իրենց որդիներին բանակ ճանապարհեցին ավանդական ձևով` երգ ու պարով, ուրախ սրտով: Մայրերն անթաքույց հիանում էին իրենց որդիներով, քույրերը` եղբայրներով … Անհամեմատ ավելի զուսպ էին տղամարդիկ. նրանցից յուրաքանչյուրը, ամենայն հավանականությամբ, ընդհանուր աղմուկ-աղաղակի մեջ վերհիշում էր իր բանակ գնալը. տարեցները` Հայրենական պատերազմը, համեմատաբար երիտասարդները` Արցախյան հերոսամարտը…

Օրերս Տավուշի մարզպետարանում տեղի ունեցավ հանդիպում առաջին բանակային կորպուսի զինծառայողների ու նրանց ծնողների հետ: Հանդիպումը կազմակերպվել էր Տավուշի մարզպետ Հ. Աբովյանի և 1-ին զորամիավորման հրամանատար, գնդապետ Տ. Փարվանյանի նախաձեռնությամբ:

Օրերս ՀՀ ՊՆ Հասարակական խորհրդի անդամները եղան Արարատի, Վայոց ձորի և Սյունիքի մարզերում տեղակայված զորամասերում, ինչպես նաև ԼՂՀ մի շարք այլ զորամասերում: Այցերի հիմնական նպատակն էր ծանոթանալ զորամասերում գործող «Հայ ասպետ» ակումբների կատարած աշխատանքին, ինչպես նաև պարզապես զրուցել զինվորների հետ: Հասարակական խորհրդի անդամները այցելեցին նաև գնդապետ Ա. Մինասյանի հրամանատարությամբ գործող զորամաս: Նրանք շրջեցին զորամասի տարածքում, եղան գրադարանում, ապա զրուցեցին ակումբի անդամներիս` ժամկետային զինծառայողներիս հետ: Զինվորները մեկ անգամ էլ կարևորեցին «Հայ ասպետ» ակումբի դերը ինչպես զինվորների ինքնակրթության, այնպես էլ հայրենասիրական ոգու բարձրացման գործում: