Օրերս Գայի անվան թիվ 129 հիմնական դպրոցի անվանակոչության 50-ամյակի առթիվ համադպրոցական միջոցառում էր կազմակերպվել: Դպրոցի հյուրերն էին Հայրենական և Արցախյան պատերազմների մասնակիցներ, Գայի` Հայկ Բժշկյանի թոռնուհին և զարմիկը, ծնողներ և նախկին շրջանավարտներ: Հյուրերի թվում էր Մոսկվայի N 1581 լիցեյում Գայի անվան «Երկաթյա դիվիզիայի» թանգարանի տնօրեն Մաքսիմ Սինիցինը:

Զինված ուժերում մարդու իրավունքների զարգացման առանցքային միտումը մարդկային գործոնի ու հայեցողության բացառման ներդրման գաղափարն է՝ սկսած զորակոչի պահից մինչև զինծառայության ավարտը:

Նոյեմբերի 8-ին լրանում է մեր թոռնիկի` կրտսեր սերժանտ Արթուր Գրիգորյանի ծննդյան 20-ամյակը: Նա ծառայում է հյուսիսարևելյան սահմանամերձ զորամասում, որի հրամանատարը գնդապետ Ս. Մինասյանն է:
Հարգելի՛ «Հայ զինվոր», թերթի միջոցով ուզում ենք շնորհավորել մեր թոռնիկի ծննդյան տարեդարձը` նրան և իր ծառայակից ընկերներին մաղթելով քաջառողջություն և անփորձանք ծառայություն: Թող նրանք խաղաղության զինվորներ լինեն:

«Գևորգյան մարտարվեստի դպրոց» հայրենասիրական-երիտասարդական կենտրոնը այն կառույցներից է, որը տարիներ շարունակ իր գործունեության սլաքն ուղղում է ռազմական, մարտական, հայրենասիրական դաստիարակության ուղղությամբ: Վերջերս էլ այս կենտրոնը Ծաղկաձորում անցկացրեց «Ռազմամարտական հմտություններ» թեմայով քառօրյա դասընթաց, որին մասնակցում էին շուրջ երեք տասնյակ երիտասարդներ: Ծրագիրն իրականացվեց սպորտի և երիտասարդության հարցերի նախարարության աջակցությամբ:

ՀՀ պաշտպանության նախարարին առընթեր հասարակական խորհրդի մի խումբ անդամներ նախագահ Գեղամ Հարությունյանի գլխավորությամբ և Հայաստանի գիտության ու մշակույթի ներկայացուցիչներ ՀՀ և ԼՂՀ փոխգործակցության շրջանակներում օրերս մեկնեցին պաշտպանության բանակի զորամասերում հայրենասիրական բնույթի դասախոսություններ կարդալու և մեկ անգամ ևս բանակ – հասարակություն կապն ամրապնդելու համար:

Մոսկվայի տնտեսագիտության, վիճակագրության եւ ինֆորմատիկայի պետական համալսարանի (ՄԷՍԻ) երևանյան մասնաճյուղի ուսանողներն օրերս այցելեցին ՀՕՊ-ի զորքեր. սա համալսարանի երկրորդ այցն էր զինված ուժեր: Այստեղ նրանց ջերմ և սիրով դիմավորեց փոխգնդապետ Մ.Վարդանյանը, որի հանձնարարականով հրամանատարի ԱՀՏԱ գծով տեղակալ, փոխգնդապետ Ա.Ստեփանյանն ուսանողներին ուղեկցեց հրամանատարական կետ՝ բացատրելով զինված ուժերում իրենց զորքերի դերն ու նշանակությունը: Հրամանատարական կետի դերի և նշանակության մասին բացատրություններ տվեց մարտկոցի հրամանատար, մայոր Խ.Չոբանյանը:

Օպերային թատրոնի աջակցման հիմնադրամի եւ պաշտպանության նախարարության աջակցությամբ հոկտեմբերի 15-17-ը մեներգիչներն ու սիմֆոնիկ նվագախմբի արտիստները ելույթներով հանդես եկան Տավուշի մարզի սահմանամերձ զորամասերում: Նախաձեռնությունը պատկանում էր օպերային թատրոնի տնօրինությանը եւ «Տիգրան Դավթյան և ընկերներ» խմբին: Համերգները ղեկավարում էր օպերային թատրոնի երաժշտական ղեկավար եւ գլխավոր դիրիժոր Կարեն Դուրգարյանը:
Նշենք, որ թեև Ալ. Սպենդիարյանի անվան օպերայի եւ բալետի ազգային ակադեմիական թատրոնի արտիստներն առաջին անգամ էին ելույթներ ունենում զորամասերում, սակայն մտադիր են այն շարունակական դարձնել: