ՀՀ պաշտպանության նախարարին առընթեր հասարակական խորհրդի մի խումբ անդամներ նախագահ Գեղամ Հարությունյանի գլխավորությամբ և Հայաստանի գիտության ու մշակույթի ներկայացուցիչներ ՀՀ և ԼՂՀ փոխգործակցության շրջանակներում օրերս մեկնեցին պաշտպանության բանակի զորամասերում հայրենասիրական բնույթի դասախոսություններ կարդալու և մեկ անգամ ևս բանակ – հասարակություն կապն ամրապնդելու համար:

Մոսկվայի տնտեսագիտության, վիճակագրության եւ ինֆորմատիկայի պետական համալսարանի (ՄԷՍԻ) երևանյան մասնաճյուղի ուսանողներն օրերս այցելեցին ՀՕՊ-ի զորքեր. սա համալսարանի երկրորդ այցն էր զինված ուժեր: Այստեղ նրանց ջերմ և սիրով դիմավորեց փոխգնդապետ Մ.Վարդանյանը, որի հանձնարարականով հրամանատարի ԱՀՏԱ գծով տեղակալ, փոխգնդապետ Ա.Ստեփանյանն ուսանողներին ուղեկցեց հրամանատարական կետ՝ բացատրելով զինված ուժերում իրենց զորքերի դերն ու նշանակությունը: Հրամանատարական կետի դերի և նշանակության մասին բացատրություններ տվեց մարտկոցի հրամանատար, մայոր Խ.Չոբանյանը:

Օպերային թատրոնի աջակցման հիմնադրամի եւ պաշտպանության նախարարության աջակցությամբ հոկտեմբերի 15-17-ը մեներգիչներն ու սիմֆոնիկ նվագախմբի արտիստները ելույթներով հանդես եկան Տավուշի մարզի սահմանամերձ զորամասերում: Նախաձեռնությունը պատկանում էր օպերային թատրոնի տնօրինությանը եւ «Տիգրան Դավթյան և ընկերներ» խմբին: Համերգները ղեկավարում էր օպերային թատրոնի երաժշտական ղեկավար եւ գլխավոր դիրիժոր Կարեն Դուրգարյանը:
Նշենք, որ թեև Ալ. Սպենդիարյանի անվան օպերայի եւ բալետի ազգային ակադեմիական թատրոնի արտիստներն առաջին անգամ էին ելույթներ ունենում զորամասերում, սակայն մտադիր են այն շարունակական դարձնել:

Մայր-ընտանիք-հայրենիք սրբությունը լրացումն է մեկմեկու: Հայրենիքի սերը սնուցվում է մոր կաթով, ձևավորում մարդ անհատի ներաշխարհը: Ամուր ընտանիքը պետության վեմն է: Անհատի քայլերն ընտանիքում հասունանում, այնուհետև իրենց դիրքն են հաստատում հասարակության մեջ: Ասված է. «Սերմնացանը ժամանակին իր ցանքսի պտուղն է քաղում»:

Բարև իմ նախկին աշակերտ, ներկայիս պայծառաժպիտ զինվոր Արսեն Իսրայելյան: Դատելով քո զինվորական լուսանկարից, դու նույն Արսենն ես մնացել, բայց ավելի առնական, ավելի ուժեղ: Եվ արդեն քսան տարեկան ես: Ես` զինվորական գործի առաջին տառերը քեզ սովորեցնող երեկվա քո ուսուցիչը, ուզում եմ սրտանց քեզ շնորհավորել տարեդարձիդ կապակցությամբ և բարի ծառայություն ու բարի վերադարձ ցանկանալ: Թող քո դեմքից երբեք չպակասի ժպիտն ու խնդությունը:

Հոկտեմբերի 10-ին ՀՀ ՊՆ վարչական համալիրում մեկնարկեց «Զինվորական բժշկության արդի հիմնախնդիրները» թեմայով առաջին միջազգային գիտաժողովը: Այն կազմակերպել էին ՀՀ զինված ուժերի ռազմաբժշկական վարչությունը, ՀՀ արտակարգ իրավիճակների նախարարության փրկարար ծառայության բժշկական ապահովման վարչությունը, Երևանի Մ. Հերացու անվան պետական բժշկական համալսարանը և «Զինվորական բժիշկների հայկական ասոցիացիան»: Գիտաժողովի շրջանակներում Հայաստան էին ժամանել Ռուսաստանի Դաշնության, ԱՄՆ-ի, Հունաստանի, Ֆրանսիայի, Բելառուսի, Գերմանիայի ռազմաբժշկական ոլորտի ճանաչված մասնագետներ:

ՀՀ ԱԺ պատգամավորներ Հովհաննես Սահակյանը եւ Էդմոն Մարուքյանը օրերս շրջանառության մեջ են դրել «Զինապարտության մասին» ՀՀ օրենքում լրացում կատարելու մասին օրենքի նախագիծը, որով մասնավորապես առաջարկվում է պարտադիր զինվորական ծառայություն անցած, այնուհետեւ պահեստազորում ընդգրկված եւ հաշվառված, բարձրագույն կրթություն ունեցող անձանց պարտադիր զինվորական ծառայության ժամկետը համարել պետական կառավարման ոլորտի ստաժ:
Օրենսդրական այս նախաձեռնության շուրջն էլ ծավալվեց մեր զրույցը ԱԺ պատգամավոր ԷԴՄՈՆ ՄԱՐՈՒՔՅԱՆԻ հետ