Համաձայն ամերիկյան մամուլի հաղորդած տեղեկությունների, «սառը պատերազմ» հիշեցնող այս ծրագրի հիմնական դերակատարներն են ԱՄՆ ռազմաօդային ու ռազմածովային ուժերը, ծովային հետևակը, հակաարբանյակային ու կիբեռնետիկ պայքարի միջոցները, սուզանավերը, անօդաչու թռչող սարքերը, ինչպես նաև ավիակիրներին հարվածելու համար նախատեսված հեռահար հրթիռները, որոնց միջոցով պետք է զսպվեն Չինաստանի զինված ուժերի շարունակական հզորացմամբ ու արդիականացմամբ պայմանավորված վտանգները:

Վաշինգտոնում հրավիրված մամուլի ասուլիսում ԱՄՆ պաշտպանության նախարար Լեոն Պաննետան հայտարարել է, որ հասցվելիք որևէ հարված ի զորու չէ Թեհրանին ստիպել հրաժարվել իր միջուկային ծրագրից, փոխարենը, սակայն, տարածաշրջանի համար կունենա անչափ լուրջ հետևանքներ:
Պաննետայի այս խոստովանությանը նախորդել էին Իրանի հոգևոր առաջնորդ այաթոլլա Ալի Խոմեյնիի և երկրի ռազմաքաղաքական բարձրագույն ղեկավարության հայտարարությունները, թե Իրանին հարվածելու յուրաքանչյուր փորձին ծանր հակահարված կհետևի:

Այդ մասին հայտարարել է ՌԴ նախագահ Դմիտրի Մեդվեդևը` հավելելով, որ հակառակ դեպքում այնտեղ տեր ու տնօրինություն կանեն այլ պետություններ: Թեև Արկտիկան անմիջականորեն հարում է Ռուսաստանին, իսկ Հյուսիսային Սառուցյալ օվիանոսը միջազգային-իրավական տեսանկյունից իրենց ափերը ողողող ծով է, աշխարհագրական տեսանկյունից էլ` Ռուսաստանի ծովային տարածքը, Մոսկվան զարմացած է, որ արտատարածաշրջանային և, ընդհանրապես, աշխարհի մյուս ծայրում գտնվող պետությունները պատրաստվում են խոշոր ներդրումներ կատարել Արկտիկայի բնական ռեսուրսների հետազոտման գործում:

ԱՄՆ ռազմական ու քաղաքացիական նշանակության միջուկային օբյեկտների ինտերակտիվ քարտեզը կազմել են Պենտագոնն ու միջուկային բնակագավառին առնչվող գերատեսչությունները: Կարմիր դրոշակներով նշված են համապատասխանաբար միջուկային զենք կրող ռմբակոծիչների ու սուզանավերի ռազմական բազաները և միջմայրցամաքային բալիստիկ հրթիռների արձակման վայրերը, կապույտով՝ միջուկային լաբորատորիաներն ու նախկին և գործող փորձադաշտերը, իսկ կանաչ դրոշակներով՝ ատոմային էլեկտրակայանները:

ՌԴ ռազմատեխնիկական համագործակցության դաշնային ծառայությունը հայտարարել է, որ, համաձայն նախապես կնված պայմանագրերի, շարունակում է սպառազինության վաճառքը Սիրիային, քանի որ չկա Դամասկոսի դեմ պատժամիջոցների սահմանման որևէ որոշում:
Սիրիան աշխարհում ռուսական արտադրության սպառազինության խոշորագույն գնորդներից է, և միայն 2012 թվականին Մոսկվան ու Դամասկոսը կնքել են զենքի մատակարարման շուրջ 3.5 միլիոն ՄԱՆ դոլար արժողության պայմանագրեր:

Սիրիան, որ 22 պետություններ միավորող համաարաբական այս կազմակերպության հիմնադիր անդմաներից է, չի կարող մասնակցել վերջինիս նիստերին, քանի դեռ վարչակարգը չի դադարեցրել արյունահեղությունը, որի հետեւանքով, ըստ ՄԱԿ-ի տվյալների (իրավապաշտպան բազմաթիվ կազմակերպությունների պնդմամբ` էապես նվազեցված), արդեն իսկ զոհվել է 3.500 մարդ: Լիգայի այս քայլը պայմանավորված էր Ասադի վարչակարգի կողմից մշակված ծրագիր-ժամանակացույցի շարունակական խախտումներով: Չի բացառվում, որ լիգայի անդամ պետությունները լրացուցիչ պատժամիջոցներ կիրառեն Սիրիայի դեմ, որի առաջին դրսևորումը կլինի դեսպանների ետկանչը: Եմենի ու Լիբանանի ներկայացուցիչները դեմ են քվերակել լիգային Սիրիայի անդամակցության դադարեցմանը:

Երեկ վաղ առավոտյան Սինայի թերակղզու հյուսիսում պայթեցվել է Իսրայելին ու Հորդանանին գազ մատակարարող խողովակաշարը: Պայթյունից հետո սկսվել է մեծ հրդեհ, և հրշեջներն այժմ պայքարում են բաց կրակի դեմ: Սա թերակղզու հյուսիսում ընթացիկ տարում հարևան պետություններին գազ մատակարարող մայրուղիների պայթեցման յոթերորդ դեպքն է: Պայթեցված խողովակաշարով Իսրայելը ստանում էր իրեն անհրաժեշտ «երկնագույն վառելիքի» 40 տոկոսը: