Դժվար է ասել, թե Ադրբեջանի նախագահը քանի անգամ է դիտել ՀՀ անկախության 20-ամյակին նվիրված զորահանդեսի տեսագրությունը, բայց փաստ է, որ զորահանդեսից ստացած նոկաուտից նա սթափվեց միայն անցյալ շաբաթ` սեպտեմբերի 21-ից մեկ ամիս հետո: Ալիևը սեփական ժողովրդին ներկայացավ միանգամայն առույգ և սկսեց քննադատել հայերի զորահանդեսը: Ավելի ճիշտ, ոչ թե քննադատել, այլ, ինչպես ասում են, «կեղտ բռնել»: Իհարկե, միանգամայն անհիմն: Դատեք ինքներդ:

Խոսքը վերաբերում է ԱՄՆ լրատվամիջոցների այն պնդումներին, թե Պակիստանն իր միջուկային զինանոցը, որը տարբեր հաշվումներով բաղկացած է 90-110 միջուկային մարտագլխիկից, պահպանում ու տեղափոխում է քաղաքացիական նշանակության և վատ պահպանվող սովորական բեռնատարներում:

Իսրայելի նախագահ Շիմոն Պերեսը հայտարարել է, որ երկրի կառավարությունը նախընտրում է Իրանի միջուկային ծրագրերի հետ կապված խնդիրը լուծել ուժային ճանապարհով: Նա ասել է, որ տարբեր երկրների հատուկ ծառայությունները գնալով ավելի հաճախ են զգուշացնում, որ երկու տարի անց Իրանը արդեն միջուկային զենք կունենա, իսկ ՄԱԳԱՏԵ-ն պնդում է, որ Իրանում արդեն ընթանում են միջուկային մարտագլխիկի համակարգչային մոդելավորման աշխատանքները: Համարվում է, որ այս զեկույցը կարող է շրջադարձային լինել Իրանի նկատմամբ Արևմուտքի որդեգրած քաղաքականության համար: Պաշտոնական Թեհրանն այս զեկույցն արդեն որակել է «կեղծ ու շինծու»:

Դամասկոսն ԱՄՆ-ին մեղադրում է ոչ միայն Սիրիայի ներքին գործերին կոպիտ միջամտելու, այլև ահաբեկիչներին ֆինանսավորելու համար: Նախօրեին, երբ Սիրիայի իշխանությունները, պահպանելով Արաբական պետությունների լիգայի հետ ձեռք բերված համաձայնությունը, ազատ արձակեցին զինված բախումներին անմիջականորեն չմասնակցած 550 քաղբանտարկյալի և ընդդիմությանը կոչ արեցին մեկ շաբաթվա ընթացքում հանձնել զենքը, ԱՄՆ պետդեպարտամենտի պաշտոնական ներկայացուցիչը սիրիական ընդիմությանը հրապարակավ կոչ արեց… շարունակել զինված պայքարը:

Իսրայելի բանակի հրամանատարությունը յուրաքանյուր 36 ժամը մեկ համապատասխան ճշգրտումներ է մտցնում գործողությունների այդ պլանում, որը իրականացնելու են երկրի ռազմաօդային ուժերը, քանի որ նախատեսվում է զանգվածային հարվածներ հասցնել Իրանի միջուկային բոլոր օբյեկտներին:
Արևմտյան մամուլը նաև հաղորդում է, որ օդաչուներն արդեն հստակ գիտեն իրենց կատարելիք խնդիրը, իսկ Իսրայելի կառավարությունը, ինչպես վարչապետի այնպես էլ պաշտպանության ու արտաքին գործերի նախարարների ճնշմամբ հավանություն է տվել խնդրի լուծման ուժային տարբերակին:

Ղազախստանի սենատը վավերացրել է իր երկրի տարածքում գործող նոր տարանցիկ կետով դեպի Աֆղանստան հատուկ նշանակության բեռներ փոխադրելու մասին համաձայնագիրը, որով, ի լրումն ուզբեկ-աֆղանական սահմանին գործող տարանցիկ կետի, նախատեսվում է գործարկել նաև բեռնափոխադրման Բեյնեու-Կարակալպակիա երկաթուղային ճանապարհը: Մեկնաբանելով սենատի որոշումը` փոխարտգործնախարար Կոնստանտինա Ժիգալովան ասել է, որ կողմ քվերակելիս հաշվի են առնվել Ղազախստանի ազգային շահերը. Ամերիկյան կողմը վճարելու է բեռնափոխադրումների համար, բացվելու են նոր աշխատատեղեր, և ընդհանրապես` այս համաձայնագիրը «մեծ ավանդ է աֆղանական խնդրի լուծմանը միտված բազմազգ ջանքերի գործում»:

Ըստ Իսրայելի մամուլի հրապարակած տեղեկությունների` փորձելով արգելել Իսրայելի ու Պաղեստինի միջև վեճի առարկա հանդիսացող տարածքներում հրեական նոր բնակավայրերի կառուցումը, Բեռլինը սպառնում է դադարեցնել գերմանական նավաշինարաններում Իսրայելի համար «Դելֆին» կարգի երկու նոր արդիական ռազմական սուզանավերի կառուցումը, որոնց համար Գերմանիան տրամադրել է շուրջ 135 միլիոն ԱՄՆ դոլարի օգնություն: