Ռուսաստանյան սահմանապահները Ճապոնական ծովում ձերբակալել են Չինաստանի դրոշի ներքո նավարկող մի ձկնորսանավ առգրավելով 22,5 տոննա անօրինական որս:
Սահմանապահ «Ձերժինսկի» նավը երեքժամյա հետապնդումից հետո, ի վերջո, հրետանային կայանքից կրակ է բացել ձկնորսանավի վրա: Ընդհարման հետևանքով մեկ մարդ ձկնորսնավից ընկել է ծովը, որի որոնումներն առայժմ արդյունք չեն տվել:
Ձկնորսանավի անձնակազմի բոլոր անդամները եղել են Չինաստանի քաղաքացիներ:

Երկու պետությունների սահմանապահների միջև զինված ընդհարման հետևանքով զոհվել են ուզբեկ սահմանապահներ, իսկ ղրղզական կողմն ունի առնվազն երկու վիրավոր զինծառայող:
Ղրղզստանի սահմանապահ զորքերի մամլո ծառայությունը հայտարարել է, որ վիճելի պատկանելության տարածքով անցնող ավտոճանապարհի նորոգման աշխատանքներում ներգրավվել են տեղի բնակիչները: Ուզբեկ սահմանապահները պահանջել են դադարեցնել աշխատանքները, ինչին, սակայն, բնակիչները բավական ագրեսիվ են արձագանքել, որից հետո ուզբեկական կողմը կրակ է բացել, ինչին հետևել է ղրղզ սահմանապահների պատասխան կրակը:

Իսրայելական զինվորական հետախուզության ղեկավար, գեներալ-մայոր Ավիվ Կոխավիվն անհանգստություն է հայտնել Ասադի վարչակարգի անկումից հետո Սիրիայում դեպքերի հնարավոր զարգացումների առնչությամբ: Հանդես գալով խորհրդարանում, նա հայտարարել է, որ Սիրիայի ներկայիս իշխանություններն այլևս անկարող են հաղթել երկրում ընթացող քաղաքացիական պատերազմում, լավագույն դեպքում կդիմանան երկու ամսից մինչև երկու տարի, սակայն վարչակարգի անկումից հետո տարածաշրջանը Սինայի թերակղզու պես կարող է վերածվել հակաիսրայելական ահաբեկչության կենտրոնի:

Կենսաբանական զենքի գործողության սկզբունքը հիմնված է մարդկանց, կենդանիների և բույսերի հիվանդությունների հարուցիչների` միկրոօրգանիզմների (բակտերիաներ, վիրուսներ, սնկեր և այլն) կործանարար հատկությունների վրա: «Կենսաբանական զենք» հասկացությանը զուգընթաց, երբեմն որպես հոմանիշ, կիրառվում է նաև «բակտերիոլոգիական զենք» տերմինը: Կենսաբանական զենքը, սակայն, ավելի լայն կիրառություն ունի, քանի որ, բակտերիաներից բացի, կարող են կիրառվել նաև վիրուսները, սնկերը և այլն:

ՌԴ քրեական օրենսգրքում լրտեսության համար պատիժ են սահմանում 275-րդ եւ 276-րդ հոդվածները: Առաջինով հօգուտ օտարերկրյա որեւէ պետության ՌԴ քաղաքացու իրականացրած լրտեսությունը համարվում է պետական դավաճանություն եւ պատժվում 12-ից 20 տարի ազատազրկմամբ: Իսկ այլ պետությունների քաղաքացիները եւ քաղաքացիություն չունեցող անձինք, ըստ քրեական օրենսգրքի 276-րդ հոդվածի, դատապարտվում են 10-ից 20 տարվա ազատազրկման:
Այս հոդվածներով դատապարտվածները, որպես կանոն, պատիժը կրում են խիստ ռեժիմի գաղութում, զինվորականները եւ պահեստի սպաները` զրկվում զինվորական կոչումներից ու բոլոր պետական, գերատեսչական ու հոբելյանական պարգեւներից:

Շարլ դը Գոլը (1890-1970) ծնվել է ֆրանսիացի հայրենասեր կաթոլիկների ընտանիքում: Հայրենիքի հանդեպ անսահման սերը ծնողներից փոխանցվել է նրանց հինգ զավակներին: Ահա թե ինչպես է դը Գոլը իր հուշագրության մեջ ներկայացնում իրենց ընտանիքում տիրող մթնոլորտը. «Հայրս, որ կիրթ և մտածող մարդ էր, համակված էր Ֆրանսիայի հույժ կարևոր առաքելության հավատով: Իսկ հայրենիքի հանդեպ մորս տածած անբեկանելի սիրո զգացումը կարելի էր համեմատել միայն աստվածացման հետ: Իմ երեք եղբայրները, քույրս և ես ինքս հպարտանում էինք մեր հայրենիքով: Այդ հպարտությունը, որին զուգորդվում էր նրա ճակատագրի հանդեպ անհանգստության զգացումը, դարձավ մեր երկրորդ բնավորությունը»:

Շվեյցարիան դադարեցրել է ռազմական մատակարարումները Արաբական Միացյալ Էմիրություններ և հետ է վերցրել նախկինում տրամադրված արտոնագրերը: Շվեյցարական իշխանությունները այս քայլին գնացել են այն բանից հետո, երբ երկրի թերթերից մեկը հրապարակել է սիրիական քաղաքներից մեկում արված մի լուսանկար, որում պարզ երևում է շվայցարական արտադրության նռնակ: Շվեյցարիան 1998թ. այլևս ռազմական արտադրանք չի մատակարարում Սիրիա: Հավանաբար նռնակը ԱՄԷ-ին հատկացված խմբաքանակից է: 2003թ. այդ երկիրը ստացել է ավելի քան 200 հազար նռնակ: Այժմ քննություն է ընթանում, որի ավարտից հետո միայն բոլոր մատակարարումները կվերականգնվեն: