Մինչև գործողությունն սկսելը լիբիական ափի մոտ ստեղծվել էր դաշնակիցների ՌՕՈՒ և ՌԾՈՒ խոշոր խմբավորում. արևմտյան դաշինքի 25 ռազմանավ և սուզանավ, այդ թվում ԱՄՆ ՌԾՈՒ 3 նավ` «Թոմահավկ» հրթիռներով, ԱՄՆ 2-րդ և 6-րդ նավատորմների օժանդակ նավերը` ներառյալ «Էնթըրփրայզ» ավիակիրը, «Կերսաջ» և «Պոնսե» դեսանտային ուղղաթիռակիրները, «Մաունթ Ուիթնի» շտաբային նավը: Ստեղծվել էր հետախուզական ավիացիայի և ռադիոէլեկտրոնային պայքարի հզոր ավիացիոն խմբավորում:

Վերջերս բավականին լայն արձագանք գտավ ադրբեջանցի քաղաքագետ Զարդուշտ Ալիզադեի այն հայտարարությունը, թե «Իրանի բանակը 12 ժամվա ընթացքում կարող է մտնել Բաքու. Ադրբեջանի բանակը Հայաստանի դեմ թույլ ու անկարող է, Իրանի դե՞մ ինչ կարող է անել»: Եվ ասես իբրեւ Ալիզադեի խոսքերի հաստատում` ադրբեջանական մամուլը վերջերս անդրադարձավ իրենց բանակում տիրող ողբալի վիճակին:

Համարվում է, որ Չինաստանը տարածաշրջանային կամ նույնիսկ համաշխարհային աճող տերություն է: Որ աճող է, հավանական է, բայց դեռ հեռու է իր հիմնարար ռազմավարական խնդիրները լուծելուց և է՛լ ավելի հեռու է Միացյալ Նահանգներին դիմակայելուց:
Չինաստանի ռազմավարական խնդիրներից առաջնահերթը երկրի ներքին անվտանգության պահպանումն է: Պատմական փորձը վկայում է, որ Չինաստանը հենց սկսում է մասնակցել համաշխարհային առևտրին, ինչպես 19-րդ դարում և 20-րդ դարի սկզբին, ծաղկում է ապրում առափնյա շրջանը, մինչդեռ Չինաստանի ներքին հատվածը, որը սկիզբ է առնում ափից մոտ 100 մղոն հեռավորությունից (160 կմ-ից) և տարածվում շուրջ 1000 մղոն (1600 կմ) դեպի արևմուտք, սկսում է հյուծվել:

«Ինհա-3» հրթիռի անհաջող արձակումից հետո ԿԺԴՀ-ն պատրաստվում Է ռազմական սադրանքներ կազմակերպել Հարավային Կորեայի դեմ:Այս մասին, ինչպես հաղորդում են «Լենտա. ռու»-ն եւ Reuters գործակալությունը, ապրիլի 13-ին կայացած խորհրդարանական ունկնդրումների ժամանակ հայտարարել Է Հարավային Կորեայի պաշտպանության նախարարության ներկայացուցիչը:

Հյուսիսկորեական «Ինհա-3» մեծ հեռահարության հրթիռը, որն արձակվել Է ապրիլի 13-ին, մի քանի րոպե տեւած թռիչքից հետո բաժանվել Է մասերի եւ ընկել օվկիանոսը: Այս մասին հաղորդել Է Reuters գործակալությունը՝ վկայակոչելով Հարավային Կորեայի պաշտպանության նախարարությունը: Ճապոնիայի պաշտպանության նախարարությունը նույնպես հավաստել Է այս տեղեկատվությունը:

ԱՄՆ-ի եւ Չինաստանի միջեւ «սառը պատերազմ» չի լինի: Այդ մասին հայտարարել Է պետքարտուղար Հիլարի Քլինթոնը: Ելույթ ունենալով Աննապոլիսում (Մերիլենդի նահանգ) նա նշել Է, որ երկու երկրները երկար ճանապարհ են անցել՝ 70-ական թվականներին «որեւիցե կապի բացակայությունից» մինչեւ ներկայիս «անխուսափելի փոխկախվածությունը»:

Սույն թվականի մարտի 31-ը կհիշվի ոչ միայն նրանով, որ ամբողջ աշխարհում անցկացվում էր «Երկրագնդի ժամը» ակցիան, այլև նրանով, որ այդ օրը Ադրբեջանում նշվում էր «ադրբեջանական ժողովրդի ցեղասպանության հերթական տարելիցը». Այսպես` համաձայն ադրբեջանական պաշտոնական տեսակետի` «1918թ. մարտին Բաքվում և ներկայիս Ադրբեջանի այլ գավառներում տեղի ունեցած ջարդերի արդյունքում սպանվել են տասնյակ հազարավոր ադրբեջանցիներ»: Թե ով էր կազմակերպել և իրականացրել «ադրբեջանցիների ջարդը», գուշակել դժվար չէ, քանի որ Ադրբեջանում տեղի ունեցած ցանկացած բացասական դեպք և երևույթ անկախության ձեռքբերումից հետո Ադրբեջանի իշխանությունները վերագրում են «նենգադավ և անշնորհակալ հայերին»: Այս դեպքը ևս բացառություն չէ: