Ռուսաստանի ռազմաօդային ուժերի գլխավոր հրամանատար գեներալ-գնդապետ Ալեքսանդր Զելինը հայտարարել է, որ Ռուսաստանում ստեղծվում է մոտ տարածության գործողության շառավղով «Մորֆեյ» նոր զենիթա-հրթիռային համալիր:
«Մորֆեյի» մշակումն իրականացնում է «Ալմազ-Անթեյ» կոնցերնը: Առաջին նախատիպն արդեն պատրաստ է: Սպառազինության վերցնելու համար համալիրը պատրաստ կլինի 2015թ.:

Կա-52 (ՆԱՏՕ-ի դասակարգումով Hokum B, ինչպես նաեւ հայտնի Ալիգատոր անունով) Ռուսական բազմաֆունկցիոնալ հարվածային ուղղաթիռ է: 1984թ. երբ դեռ ընթանում էին Բ-80-ի եւ Մի-28-ի համեմատական փորձարկումները, Ն.Ի. Կամովի անվան տեխնիկական կենտրոնը հանդես եկավ առաջարկությամբ` ստեղծել նոր ուղղաթիռ` օպտիկաէլեկտրոնային եւ ռադիոլոկացիոն սարքավորումներով, որը պետք է հետախուզում կատարի, միաժամանակ հանդես գա որպես հարվածային ուղղաթիռ: Այնինչ 1980-90-ական թթ. երկրում հայտնի լուրջ ֆինանսական խնդիրները զգալիորեն կանգնեցրին այս ծրագրի իրագործումը:

Մարդկության պատմությունը անընդհատ պատերազմների պատմություն է: Մասնագետները հաշվարկել են, որ վերջին 5500 տարվա ընթացքում երկրագնդի վրա տեղի է ունեցել շուրջ 15 հազար պատերազմ, որոնցում զոհվել է ավելի քան 3,5 մլրդ մարդ: Այդ ամբողջ ընթացքում մարդկությունը խաղաղության մեջ է ապրել ընդամենը 292 տարի:

Ռուսաստանում հաջողությամբ փորձարկվել է «Կորնետ-Դ» հակատանկային հրթիռային նոր համակարգը: Այն կարող է խոցել հակառակորդի զրահամեքենաները և օդային թիրախները մինչև 10 կմ հեռավորության վրա: Մարտական հրթիռը ծակում է մինչև 1300 մմ հաստությամբ զրահը:

Ռուսաստանի` Մակեևի անվան հրթիռային պետական կենտրոնի մասնագետները ծովային տեղակայման «Լայներ» ռազմավարական հրթիռ են ստեղծել, որն իր մարտական կարողություններով 2 անգամ հզոր է հեռանկարային «Բուլավա» բալիստիկ հրթիռից:
Նոր հրթիռի թռիչքային առաջին փորձարկումները իրականացվել են մայիսի 20-ին և ամբողջությամբ հաջողված են ճանաչվել:

Պենտագոնը մրցույթ է հայտարարել ամերիկյան զինծառայողների համար ունիվերսալ համազգեստ մշակելու համար: Այն պետք է ինքնուրույն հարմարվի եղանակային տարբեր պայմաններին` արևի տապին անհրաժեշտ զովություն ապահովի, տաքացնի սառնամանիքի ժամանակ, անջրաթափանց լինի:
Նոր համազգեստի շնորհիվ այլևս անհրաժեշտ չի լինի ուսապարկում համազգեստի լրացուցիչ կոմպլեկտ կրել եղանակային անակնկալներից խուսափելու համար:

ԱՄՆ-ում մշակվող թռչող ապարատը միաժամանակ ինքնաթիռի և դիրիժաբլի ունակություններ ունի:
Aeroscraft անվանումով օդային փոխադրամիջոցը կկարողանա ավելի քան 500 տոննա բեռ բարձրացնել: 70 մետր երկարությամբ և 30 մետր լայնությամբ առաջին մոդելը պատրաստ կլինի 2012թ.:
Օդանավի համապատասխան խցիկներում կլցվի հելիում գազ, որը կապահովի անհրաժեշտ վերամբարձ ուժը: Ճնշումն ավելացնելու դեպքում վայրէջք կկատարվի: Օդում Aeroscraft-ը կշարժվի սովորական ինքնաթիռի պես` տուրբոռեակտիվ շարժիչների և ավիացիոն վառելիքի միջոցով: