ՌԴ ռազմատեխնիկական համագործակցության դաշնային ծառայության փոխտնօրեն Կոնստանտին Բիրյուլինը հայտարարել է, որ Տաջիկստանն իրականում Ռուսաստանից ավելի է շահագրգռված այնտեղ 201-րդ ռուսական ռազմաբազայի տեղակայման ժամկետի երկարաձգմամբ, թեև այն Ռուսաստանի համար ևս մեծ նշանակություն ունի. ԱՄՆ-ը հեռանում է Աֆղանստանից ու ոչ ոք չգիտի, թե դրանից հետո Կենտրոնական Ասիայում դեպքերն ինչ ընթացք կունենան:

Իրանի բանակը երկրի կենտրոնական՝ Սեմնան գավառում սկսել է սեփական արտադրության «Shahab» (Մետեոր), «Khalij Fars» (Պարսից ծոց), «Tondar» (Կայծակ), «Fateh» (Հաղթող), «Zelzal» (Երկրաշարժ) и «Qiam» (Ապստամբություն) հրթիռների օգտագործմամբ զորախաղեր: Հրթիռային հարվածներն ուղղվում են հավանական հակառակորդի ռազմաօդային ուժերի բազաների մակետներին:
Այս հրթիռներից «Shabab-3»-ն ունի գործողության 2.000 կիլոմետր շառավիղ և տեսականորեն կարող է հասնել Իսրայել ու Հարավային Եվրոպայի պետություններ:

2012-2017 թվականներին ՌԴ պետբյուջեից այդքան գումար կտրամադրվի նոր ունիվերսալ սառցահատի կառուցման համար, որի ջրարկումը նախատեսվում է 2017 թվականին:
Համաձայն կառավարության որոշման, սառցահատի կառուցման պետական պատվիրատուն «Росатом» պետական կորպորացիան է: Վերջինիս, ինչպես նաեւ ՌԴ ֆինանսների նախարարությանն ու տնտեսական զարգացման նախարարությանը հանձնարարվել է շահագրգիռ գերատեսչությունների հետ միասին առաջարկություններ ներկայացնել սառցահատի կառուցման արտաբյուջետային միջոցների հայթայթման մասին` նկատի առնելով սառցահատի մատուցելիք ծառայությունների հետագա երկարաժամկետ պայմանագրերի կնքման հնարավորությունը:

Իմ փրկարարական գործունեության ընթացքում՝ սկսած 1949 թվականից, մասնակցել եմ տարբեր երկրամասերում (Կովկաս, Պամիր, Տյանշան, Ալպեր) 40-ից ավելի փրկարարական աշխատանքների, հաճախ փրկել ծանր կացության մեջ հայտնված մարդկանց։ Սակայն կան այնպիսի փրկարարական աշխատանքներ, որոնք ցանկացած փրկարար հիշում է տասնյակ տարիներ, գուցե մինչև կյանքի վերջ։ Եվ ցավում, որ որոշ դեպքերում հնարավոր չի եղել ժամանակին փրկել օգնության սպասող այդ մարդկանց։

Թուրքիան քաղաքակրթությունների խաչմերուկում է, և թուրք ժողովրդի սովորույթներում հաճախ են միաձուլվում արևելյան և արևմտյան մշակույթների տարրերը: Այնուամենայնիվ, նրանք ունեն առանձնահատուկ որակներ, որոնք նախևառաջ պայմանավորված են կրոնով: Թուրքերին բնորոշ են ֆանատիզմը և կրոնախևությունը: Պահանջներն ու արգելքները, որոնք ամրագրված են իսլամական օրենսգրքում` Շարիաթում (իսլամի բարոյական և կրոնական նորմերի համախումբ, որը հիմնված է Ղուրանի վրա և իսլամում համարվում է «հավերժ և անփոխարինելի»), ձեւավորում են հավատացյալի ողջ կյանքը` նրան դնելով իսլամի հոգևոր վերահսկողության տակ: Հավատացյալի օրվա ամեն ժամը, ամեն արարքը խիստ կարգավորված է:

Չինաստանն ամբողջովին տիրապետել է ուղեծրում տիեզերական ապարատների մոտեցման և կցման տեխնոլոգիային: Հունիսի 24-ին չինական Շենչժոու-9 տիեզերանավը, կառավարվելով մեխանիկական ռեժիմում, հաջողությամբ միացել է Տյանգուն-1 լաբորատոր կայանին: Այսպիսով, Չինաստանը ԱՄՆ-ից և Ռուսաստանից հետո դարձավ երրորդ պետությունը, որն ամբողջովին տիրապետում է այս տեխնոլոգիային: Գործողությունը կառավարել է չինացի 43-ամյա տիեզերանավորդ Լյու Վանը, որը մինչ այդ երկրի վրա ավելի քան 1500 հատուկ պարապմունք է անցկացրել:

ԱՄՆ պաշտպանության նախարարությունը մտադիր է Ռուսաստանից գնել ըպ-200 ինքնաթիռ-ամֆիբիա գիշերային թռիչքի հնարավորությամբ: Վերջնական որոշումը կկայացվի 2013թ. Ֆլորիդայում ամերիկյան հատուկ նշանակության ուժերի ռազմածովային վարժանքներին ինքնաթիռի մասնակցությունը վերլուծելուց հետո: Մինչ այդ ռուս մասնագետները պետք է նախապատրաստեն ինքնաթիռի գիշերային տեսանելիության սարքավորումները: