Ամերիկյան DARPA գործակալության մշակած «մտածող» ռոբոտներից «Cheetah»-ը զարգացրել է ժամում 29 կիլոմետր արագություն՝ քայլող ռոբոտների դասում սահմանելով նոր համաշխարհային ռեկորդ: Այս սարքը նախատեսված է մարտադաշտում հակառակորդին հետապնդելու, վիրավորներին օգնություն ցուցաբերելու և փրկարարական աշխատանքներ կատարելու համար:

Պակիստանը հաջողությամբ իրականացրել է միջուկային մարտագլխիկ կրելու ունակ «Хатф-II Абдали» բալիստիկ հրթիռի փորձարկումը: Բանակի հրամանատարությունը հայտարարել է, որ նոր հրթիռը երկրի ռազմավարական նշանակության ուժերին թույլ կտա, ի լրումն մարտական գործողությունների վարման ռազմավարական ու մարտավարական հարթությունների, գործել նաև օպերատիվ մակարդակում:

ՌԴ զինված ուժերի գլխավոր սերժանտը կունենա պաշտպանության նախարարի խորհրդականի կարգավիճակ: Այդ մասին հայտարարել է օդադեսանտային զորքերի հրամանատար Վլադիմիր Շամանովը: Նման մտադրության մասին դեռ անցած հոկտեմբերին հայտարարել էր ՌԴ պաշտպանության նախարարի տեղակալ Նիկոլայ Պանկովը:

Լրագրողներին հայտնելով այդ մասին, ՌԴ փոխվարչապետ Դմիտրի Ռոգոզինը հավաստիացրել է, որ նոր ատրճանակն իր տեխնիկամարտավարական բնութագրերով չի զիջի աշխարհում ներկայումս արտադրվող որևէ նմուշի, իսկ պաշտպանության նախարարության հետ բանակցություններ են վարվում Կալաշնիկովի ավտոմատի «հիմնարար արդիականացման» համար: Այս տարի նախատեսվում է ստեղծել նաև ոստիկանական ու բանակային դիպուկահար հրացանների նոր նմուշներ: Նոր զենքերի մշակման գործում ներգրավված են Ռուսաստանի լավագույն մասնագետները:
Նա նաև հայտնել է, որ դաշնային նպատակային ծրագրով լուրջ քայլեր են նախատեսվում Ռուսաստանում արտադրվող վառոդի որակի բարձրացման համար:

Կուրգանի մարզում փետրվարի 13-ին «Су-24» ռազմաճակատային ռմբակոծիչի աղետից հետո մասնակիորեն վերսկսվել են այս մակնիշի ինքնաթիռների թռիչքները: «Су-24»-երի տեխնիկական վիճակի մանրակրկիտ ստուգումների արդյունքները ներկայացնելուց հետո ավիացիոն զորամասերի հրամանատարները ստանում են դրանց թռիչքների վերսկսման թույլտվություն:

ՌԴ պաշտպանության նախարարությունը հայտնել է, որ ներկայումս մշակվում են հինգերորդ սերնդի «Т-50» կործանիչի և «4++» սերնդի «Су-35» բազմանպատակային կործանիչի վարժասարքեր: Դրանք կտեղակայվեն Լիպեցկի ավիակենտրոնում, իսկ մինչև 2020 թվականը ՌԴ ռազմաօդային ուժերը լրիվ կապահովվեն նման վարժասարքերով:

Այս թեստը մշակվել է 2009 թվականին «Հոգեբանական թեստերի մշակման մոսկովյան լաբորատորիայի» կողմից: Որպես ինքնարտահայտման ստուգման հուսալի մեթոդ` արտոնագրված է GNU (General public License` ընդհանուր հանրային արտոնագիր) FDL-ի (Free documental license` ազատ փաստաթղթերի արտոնագիր) կողմից: Այս թեստի նպատակն է արտածել «դեմոնստրատիվության» մակարդակը. դա բարդ, բազմակողմանի որակ է, որի էությունը սեփական անձի հանդեպ դրական ուշադրությունից գերհաճույք ստանալն է և այն քայլերը, որոնք ուղղված են այդ ուշադրության պահպանմանը: