Վայոց ձորի մարզի մարզկենտրոնում հուլիսի 28-ին հանդիսավոր պայմաններում նշվեց 4-րդ զորամիավորման կազմավորման 16-րդ տարեդարձը: Այդ կապակցությամբ Եղեգնաձոր քաղաքում անցկացված զորահանդեսին ներկա էին ՀՀ պաշտպանության նախարար Սեյրան Օհանյանը, ՀՀ ԶՈւ գլխավոր շտաբի պետ, գեներալ-գնդապետ Յուրի Խաչատուրովը, զորամիավորումների հրամանատարներ, ՀՀ ՊՆ, ԶՈւ, ԶՈւ ԳՇ վարչությունների բարձրաստիճան սպաներ և պետական այրեր:

Փոխգնդապետ Վիկտոր Խաչատրյանը ՀՀ ԶՈՒ ՀՕՊ զորամասերից մեկի շտաբի պետն է: Ծնվել է Գորիսում: 1988թ. դպրոցն ավարտելուց հետո, երբ սկիզբ էր առել Արցախյան շարժումը, նախապես որոշած լինելով, որ զինվորական է դառնալու, հաջողությամբ հանձնեց քննությունները և ընդունվեց ՌԴ բարձրագույն զինվորական ուսումնարանի հակաօդային պաշտպանության բաժին։ Երբ 1992թ. ավարտեց ուսումը, Հայաստանն արդեն անկախ երկիր էր, հայ ժողովուրդը կոնոնավոր բանակ էր ստեղծում, որպեսզի կարողանա պաշտպանել պայքարով ձեռք բերված իրավունքներն ու սատարի Արցախի ազատագրական պատերազմին:

ՀՀ պաշտպանության նախարարության և ԵԱՀԿ երևանյան գրասենյակի համագործակցության ծրագրի շրջանակներում ՀՀ ՊՆ քննչական ծառայության անձնակազմի գիտամեթոդական և գիտագործնական գիտելիքները հարստացնելու, մասնագիտական հմտություններն ու կարողությունները կատարելագործելու, ինչպես նաև քրեագիտական ժամանակակից տեխնիկայի որոշ միջոցների ցուցադրման նպատակով ԵԱՀԿ Երևանյան գրասենյակի աջակցությամբ ս.թ. հուլիսի 15-ից 26-ը ՀՀ ՊՆ քննչական ծառայությունում կազմակերպվեցին և անցկացվեցին «Հանցագործությունների բացահայտման և քննության քրեագիտական ժամանակակից միջոցները և մեթոդները» թեմայով դասընթացներ, որոնք վարում էր Ռուսաստանի Դաշնությունից հրավիրված առաջատար փորձագետների խումբը` խմբի ղեկավար, իրավաբանական գիտությունների դոկտոր, պրոֆեսոր Ս.Մալիկովի գլխավորությամբ:

Վաղ առավոտյան մեկնեցինք դիրքեր։ Հրամանատարական «ուազիկը» դժվարությամբ էր հաղթահարում լեռնային ճանապարհի օձագալար կեռմաններն ու վերելքները։ Ճանապարհից ահյակ ձորն է` գեղուղեշ ծառերի սաղարթով պարուրված։ Արևը մեկ դուրս էր գալիս անձրևաբեր սև ամպի ետևից, մեկ թաքնվում հանդիպակաց լեռան թիկունքում։ Մի քանի օր տեղացած հորդառատ անձրևներից տեղ-տեղ վնասվել էր դիրքեր տանող ճանապարհը` է՛լ ավելի դժվարացնելով վերելքը։

Կրտսեր սերժանտ, հրաձգային դասակի հրամանատարի տեղակալ Դավիթ Թոքմաջյանը որևէ ազգակցական կապ չունի հանրահայտ քանդակագործի հետ: Նա դեռևս քսանհինգ տարեկան է: Ծնվել է 1988թ., Ախուրյանում, սովորել է Նիկոլ Աղբալյանի անվան հումանիտար վարժարանում, այնուհետև Գեղարվեստի ակադեմիայի Գյումրիի մասնաճյուղի քանդակագործության բաժնում: 2009-2011թթ. դասախոսական աշխատանքներով է զբաղվել: Ավարտել է նաև ակադեմիայի մագիստրատուրան: Մինչև բանակ գալը մասնակցել է մի շարք ցուցահանդեսների և մրցանակային տեղեր գրավել:

Հայկական երկու հանրապետությունների զինված ուժերի միջև փոխհամագործակցության շրջանակում Ստեփանակերտում հուլիսի 20-ին տեղի է ունեցել կոլեգիայի նիստ:
«2013թ. բանակային տարվա ձմեռային ուսումնական փուլում հայկական զինված ուժերի մարտական պատրաստության և զինվորական կարգապահության վիճակը, առկա խնդիրներն ու բարելավման ուղիները» թեմայով կոլեգիայի նիստին մասնակցել են ՀՀ ԶՈՒ գլխավոր շտաբի պետ, գեներալ-գնդապետ Յուրի Խաչատուրովը, ՊԲ հրամանատար, գեներալ-լեյտենանտ Մովսես Հակոբյանը, հայկական երկու հանրապետությունների զինված ուժերի ղեկավար կազմը, բանակային զորամիավորումների, միավորումների և զորամասերի հրամանատարներն ու նրանց տեղակալները, զինվորական իրավապահ մարմինների ղեկավարները, վարչությունների պետեր:

Հայկական երկու հանրապետությունների զինված ուժերի միջև փոխհամագործակցության շրջանակում հուլիսի 15-ից 19-ը պաշտպանության բանակում զորամասերի հրամանատարների և նրանց տեղակալների հետ անցկացվեց հրամանատարական հավաք: Միջոցառումը նախատեսված էր զինված ուժերի 2013թ. ուսումնական տարվա պատրաստության պլանով և հետապնդում էր զորամասերի հրամանատարների և նրանց տեղակալների պատրաստության մակարդակը ստուգելու և բարձրացնելու, առաջավոր փորձն ուսումնասիրելու և դա զորքերի ամենօրյա գործունեությունում ներդնելու նպատակ: