Հայտնելով այդ մասին` երկրի վարչապետ Վլադիմիր Պուտինը հստակեցրել է, որ խոսքը վերաբերում է բոլոր զինվորական թոշակառուներին, անկախ նրանց գերատեսչական պատկանելությունից, և որ Ռուսաստանի նորագույն պատմության ընթացքում առաջին անգամ զինծառայողների թոշակների նման խոշոր բարձրացման համար նախատեսված է պետբյուջեից հատկացնել շուրջ 1,5 տրիլիոն ՌԴ ռուբլի: Բացի այդ, հաշվի առնելով արժեզրկումը, թոշակները շուտով նաև կինդեքսավորվեն:

Տրիպոլիում նա հայտարարել է, որ Լիբիա կժամանեն ՄԱԳԱՏԵ-ի ու Քիմիական զենքի արգելման կազմակերպության մասնագետները, ովքերն ըստ ամենայնի կաջակցեն Քադաֆիի վարչակարգից ժառանգված քիմիական ու միջուկային զենքի պահպանմանը:
Լիբիայի ազգային անցումային խորհրդի վարչապետի հետ հանդիպման ընթացքում Պան Գի Մունը կոչ է արել ձեռնարկել հնարավոր բոլոր քայլերը, որպեսզի երկրում տիրող անիշխանության պատճառով հսկողությունից դուրս մնացած քիմիական ու միջուկային զենքն ու դյուրակիր զենիթահրթիռային կայանքները չհայտնվեն ահաբեկչական կազմավորւմների ձեռքում և ստացել համապատասխան հավաստիացումներ:

ՌԴ ԶՈՒ Արևմտյան զինվորական օկրուգի 10.000 պայմանագրային զինծառայողներ, մասնագիտական որակավորման բարձրացման նպատակով ամբողջ նոյեմբեր ամիսը կանցկացնեն օկրուգում գործող բարձրագույն շուրջ 20 ռազմաուսումնական հաստատությունների և ուսումնական կենտրոնների լսարաններում`՝ուսումնասիրելով մարտական տեխնիկան, սպառազինությունը և ձեռք բերելով լրացուցիչ տեսական գիտելիքներ:

Հունաստանի պաշտպանության նախարարի հրամանով զբաղեցրած պաշտոններից ազատվել են Ազգային պաշտպանության գլխավոր շտաբի ուժերի հրամանատարը, ինչպես նաև Ցամաքային զորքերի, ռազմաօդային ու ռազմածովային ուժերի հրամանատարները:
Ընդիմադիր բոլոր կուսակցությունները խստորեն քննադատել են երկիրը ճարակած տնտեսական ու քաղաքական ծանրագույն ճգնաժամի պայմաններում զինված ուժերի ողջ բարձրագույն հրամակազմն առանց որևէ բացատրության փոխելու գործելակերպը:

Այդ մասին երկրի պաշտպանության նախարարությունը տարածել է սեղմ տեղեկատվություն, նշելով միայն, որ ռազմաօդային ուժերի «Պալմախիմ» բազայից հաջողությամբ իրականացվել է բալիստիկ հրթիռի ուժային սարքավորման հաջող փորձարկում և այլ մանրամասներ չի հայտնել:
Հատկանշական է, որ այս փորձարկումը համընկավ Թեհրանի միջուկային ծրագիրը վիժեցնելու նպատակով Իսրայելի կողմից Իրանին հասցվելիք հրթիռային հարվածի հավանականության՝ ակտիվացած քննարկումների համապատկերին:

Բյուրեղավան քաղաքից Արցախյան գոյապայքարին մասնակցած ազատամարտիկներից 14-ը զոհվել են: Նրանցից էր «Արցախ» գնդի հրամանատար Սամվել Վարդանյանը, որի անունով էլ 1994 թ. անվանակոչվել է տեղի դպրոցը:
Նոյեմբերի 2-ին քաջարի ազատամարտիկը կդառնար 60 տարեկան: Դպրոցին հարող տարածքն այդ օրը մարդաշատ էր, քաղաքի նեղլիկ փողոցները դրոշներով զարդարվել էին դեռ վաղ առավոտից: Միջոցառմանը մասնակցելու եկած աշակերտների աչքերում առկայծում էին հպարտությունն ու իրենց հերոս հայրենակցի հիշատակի հանդեպ տածած ակնածանքը:

Ռուսաստանի ռազմածովային ուժերի հրամանատարությունը ավիակիր խմբավորումներ ձևավորելու մասին որոշում է ընդունել: Դա թույլ կտա ընդլայնել ռուսական ռազմական նավատորմի ազդեցության գոտին Խաղաղ և Հյուսիսային սառուցյալ օվկիանոսներում:
Այժմ ռուս զինվորականները կազմում են նոր ավիակրի համար անհրաժեշտ տեխնիկական պահանջները: Նախատեսվում է, որ 2027թ. երկու օվկիանոսներում արդեն կգործեն առանձին ավիակիր խմբավորումներ: Նոր ռազմանավը ամենայն հավանականությամբ կօգտագործի ատոմային էներգիա: