Դա տեղի է ունեցել արկի չպլանավորված պայթյունի հետևանքով: Այդ պահին զորախաղին մասնակցում էին 18 զինծառայող և 80 աշխարհազորային: Վիրավորների մի մասի վիճակը ծանր է:
Իսկ հոկտեմբերի 18-ին, Սերբիայի Յագոդինա քաղաքում հակաահաբեկչական զորավարժությունները դիտելու ժամանակ տուժել էին 28 դպրոցական և երկու ուսուցիչ, երբ ուղաղաթիռի վայրէջքի ժամանակ պտուտակներից առաջացած քամին պոկել ու նրանց վրա էր շպրտել գովազդային վահանակները:

Զորատեսակի շտաբում կրճատվել են երեք` հրթիռահրետանային սպառազինության, ավտոմոբիլային ու զրահատանկային ծառայությունները, ինչպես նաև զորատեսակի հրամանատարի` սպառազինության և ռազմական տեխնիկայի շահագործման գծով օգնականի հաստիքները: Իսկ անցած տարի կրճատվել էր զորատեսակի հրամանատարի սպառազինության գծով տեղակալի հաստիքը:

Կառավարամետ և ընդիմության կողմն անցած զորքերի հերթական բախման հետեւանքով զոհվել է 20 մարդ: Քաղաքական դիմակայությունից փոթորկվող այս պետությունում իրավիճակն առավել սրվեց ՄԱԿ անվտանգության խորհրդի բանաձևի ընդունումից հետո, որով նախագահ Սալեխից պահանջվում էր իսկույն սկսել իշխանությունը հանձնելու գործընթացը:

Աստրախանի արվարձաններից մեկում գտնվող մետաղի ջարդոնի ընդունման կետում հայտնաբերված 30-ից 50 տոննա «բեռով» այժմ մանրակրկիտ զբաղվում է սակրավորների ու պայթեցնողների բրիգադը: «Մետաղի ջարդոնը» թեև անմիջականորեն պայթյունավտանգ չէ, սակայն այնտեղ կան արտաքուստ անվնաս մեծաքանակ հրետանային արկեր, իսկ բազմաթիվ բեկորների վրա` պայթուցիկ նյութ:

Ալժիրի ԶԼՄ-ների պնդմամբ, գնդապետը հոկտեմբերի 17-ին այն հանձնել է իր երեք կողմնակիցներին, որոնցից միայն մեկն է փրկվել շրջապատման օղակից:
Կտակի համաձայն` լիբիական հեղափոխության առաջնորդը ցանկացել է հուղարկավորվել իսլամական օրենքներին համապատասխան և այն հագուստով, որով հրաժեշտ է տվել կյանքին: Նա ցանկացել է թաղվել Սիրտի քաղաքային գերեզմանատանը, իր ժողովրդի ու հարազատների կողքին, և որ իր ընտանիքի անդամներին, հատկապես կանանց ու երեխաներին հարգանքով վերաբերվեն, իսկ Լիբիայի ժողովուրդը պահպանի իր յուրահատկությունները, նվաճումները, պատմությունն ու նախնիների և հերոսների կերպարները և շարունակի պայքարել ցանկացած օտարերկրյա ագրեսիայի դեմ:

Ռուսական հետախուզական ծառայությունների պնդմամբ, գնդապետի սպանվելուց հետո վարձկանները կարող են հայտնվել Հյուսիսային Կովկասում, «ուր տեղի գրոհայիններն անհամբերությամբ սպասում են նրանց»:
Ռուսաստանի դաշնային անվտանգության ծառայությունը մտավախություն ունի, որ Լիբիայում կենտրոնացած իսլամիստ արմատական գրոհայիններից շուրջ երեք հազարը Դաղստանում, Չեչնիայում և այլուր կդառնան «անտառային եղբայրներ»:

Թեև վերջին շրջանում տեղի ունեցած մի քանի սահմանային միջադեպերի ու երկրի նախկին նախագահ Ռաբանիի սպանության գործում, Պակիստանի հատուկ ծառայությունների հասցեին մեղսակցության մեղադրանքներ են հնչում, այդուհանդերձ Աֆղանստանի նախագահ Համիդ Քարզայը հայտարարել է` «Մենք օգնության կհասնենք պակիստանյան եղբայրներին»:
Նա ասել է, որ աֆղան ժողովուրդը երբեք չի մոռանա իրեն Պակիստանի ցուցաբերած և այժմ նույնպես ցուցաբերվող եղբայրական օգնությունը: