Մայիսի 19-ին N զորամասի ստորաբաժանումների մասնակցությամբ անցկացվել է մարտավարական զորավարժություն։

Մայիսի 16-ից 19-ը զորավարժարաններից մեկում անցկացվել են կրակային պատրաստության գործնական պարապմունքներ, որոնց ընթացքում ստուգվել են զինծառայողների՝ հաստիքային զենքով կրակի վարման և թիրախների խոցման հմտությունները։

Անձնակազմի մասնագիտական գիտելիքների ու գործնական հմտությունների ստուգման նպատակով մայիսի 17-ից 19-ը N զորամիավորման կապի ստորաբաժանումների զինծառայողների հետ անցկացվել են մասնագիտական վարժանքներ:

Հրամանատարական կազմի մարտի վարման գործնական հմտությունների զարգացման նպատակով N զորամիավորման ենթակա զորամասերից մեկում մայիսի 17-ից 18-ն անցկացվել են շտաբային մարզումներ:

Մայիսի 18-ին N զորամասի պարտադիր ժամկետային զինծառայողների հետ անցկացվել են կրակային պատրաստության տեսական պարապմունքներ։

N զորամիավորման հատուկ նշանակության ստորաբաժանումների զինծառայողները մայիսի 18-ին անցկացրել են ցուցադրական պարապմունք։

N զորամիավորումում մայիսի 17-ին անցկացվել է գումարտակի մարտավարական զորավարժություն՝ հարձակողական մարտի իրականացմամբ։