Լիբիայի անցումային ազգային խորհուրդը հայտարարել է, որ Մուամար Քադաֆիի վարչակարգի կողմնակից լինելու կասկածանքով ձերբակալված օտարերկրացիների թվում կան Խորվաթիայի 17 քաղաքացիներ:
Անցումային իշխանությունը հավաստիացրել է, որ բոլոր ձերբակալվածների նկատմամբ լավ են վերաբերվում և անմեղ անձինք հետաքննության ավարտից անմիջապես հետո ազատ կարձակվեն, իսկ Լիբիայի ժողովրդի դեմ հանցանք գործածները պատասխան կտան օրենքի առջև:

Ֆրանսիայի ռազմաօդային ուժերի «Միրաժ» և Լիտվայի ռազմաօդային ուժերի «Լ-39 Ալբատրոս» ուսումնամարտական ինքնաթիռները Լիտվայում անցկացվող զորավարժությունների ժամանակ Շյաուլյայ քաղաքի երկնքում բախվել են միմյանց:
«Միրաժին» հաջողվել է վայրէջք կատարել, իսկ լիտվացի օդաչուն հասցրել է անկարգելով փրկվել: Նրա ինքնաթիռը «վայրէջք» է կատարել ճահիճներում:

Ռուսաստանը մինչև 2020 թվականը 134 մլրդ ռուբլի կհատկացնի` իր սահմանապահ ենթակառուցվածքների արդիականացման համար: Հատկապես լուրջ ուշադրություն կդարձվի Արկտիկայի և Հյուսիսային Կովկասի սահմաններին: Այդ մասին հայտարարել է Ռուսաստանի վարչապետ Վլադիմիր Պուտինը և հավելել, որ այդքան մեծ գումարը հարկ է հնարավորինս արդյունավետ օգտագործել:
Ենթակառուցվածքների համակարգի արդիականացման նպատակն է ահաբեկչության, մաքսանենգության և անօրինական ներգաղթի դեմ պայքարի արդյունավետության բարձրացումը, ինչպես նաև օրինապահ քաղաքացիներին սահմանը հատելիս ավելորդ քաշքշուկից ազատելը:

Շարքային Անդրեյ Պոպովը 2000 թվականին Դաղստանում գերի է ընկել, աղյուսի գործարանում կատարել ստրկական աշխատանք, փախուստի երրորդ փորձի ժամանակ հրաշքով փրկվել և իր հետ կատարվածի մասին պատմելու համար ներկայացել իրավապահ մարմիններին: Վերջիններս նրան ձերբակալել են` դասալքության մեջ կասկածելու պատճառով:
Պոպովին լավագույն դեպքում սպասում է զինվորական ծառայությունը 4 ամիս ևս շարունակելու հեռանկարը: Գերությունից փախած զինվորի դեմ հարուցված քրեական գործը մեծ արձագանք է գտել ռուսական մամուլում:

Այս մասին Տրիպոլիում հայտարարել է Լիբիայի ազգային անցումային կառավարության ներքին գործերի նախարար Ահմադ Դարրատը` անդրադառնալով քաղաքացիական անձանց մոտ զինապահեստներից գրավված մեծաքանակ զենքի առկայության խնդրին:
Երկրի գրեթե բոլոր քաղաքներում ապստամբները մութն ընկնելուն պես սկսում են օդ արձակվող կրակահերթերով նշել իրենց հաղթանակը, ինչից հետո շատ հաճախ առանց այն էլ լեփ-լեցուն հիվանդանոցներ են բերվում նոր վիրավորներ:

Բելառուսի նախագահ Ալեքսանդր Լուկաշենկոն և ՀԱՊԿ գլխավոր քարտուղար Նիկոլայ Բորդյուժան Մինսկում օգոստոսի 30-ին քննարկել են պայմանագրի անդամ պետություններում օտարերկրյա ռազմակայանների տեղակայումը միայն կոլեկտիվ համաձայնության դեպքում թույլ տալուն, ՀԱՊԿ-ի և նրա անդամ հանդիսացող պետությունների ներքին գործերին այլ պետությունների միջամտությունը բացառելուն, ինչպես նաև օպերատիվ արձագանքման կոլեկտիվ ուժերը պետական հեղաշրջումների փորձերն արգելելու համար օգտագործելուն առնչվող հարցեր:

Ազատամարտիկներ Հրաչյա Մովսիսյանն ու Արթուր Ղարիբյանը ապրում էին Բաբաջանյան 121 շենքում: Նրանք «Արաբո» ջոկատի անհայտ կորած 22 մարտիկներից են: Շենքի հարակից` Հերոսների այգում, ազատամարտիկների հիշատակին տարիներ առաջ կանգնեցվեց խաչքար, այնուհետեւ տեղադրվեց Արցախի հերոսամարտում «Արաբո» ջոկատի անհայտ կորած 22 մարտիկների անունները կրող հուշաքար:
Արթուր Ղարիբյանի մայրը` տիկին Ալվարդը, ամեն առավոտ գալիս եւ մաքրում է այգին, տղաներին բարի լույս ասում, ու հոգին հանդարտվում է. «Այգին միշտ մարդաշատ է. նույն ցավն ու վիշտը անհայտ կորածների հարազատներին ու բարեկամներին բերում է հուշակոթողի մոտ…