Օգոստոսի 17-ից 19-ը ենթասպաների դպրոցում կանցկացվեն տեխնիկների և ՀՏԿ-ի պետերի մասնագիտություններով վերապատրաստված ենթասպաների ավարտական քննություններ:

Համաձայն ՀՀ ԶՈՒ մարտական պատրաստության վարչության պլանի օգոստոսի 15-ից 19-ը ՀՀ ԶՈՒ ՄՊՎ հրամանատարական խմբերի հետ կանցկացվի հրամանատարական հավաք: Հավաքի նպատակն է բարձրացնել մասնակիցների տեսական գիտելիքների մակարդակը և կատարելագործել նրանց գործնական ունակություններն ու հմտությունները:

Օգոստոսի 22-ից 25-ը ԼՂՀ ՊԲ կենտրոնական ենթակայության զորամասերում տեղի կունենա մարտական պատրաստության գործընթացի վերահսկում և հրամանատարներին մեթոդական օգնության ցուցաբերում, որի նպատակն է ապահովել անձնակազմի պատրաստության և դաստիարակության բարձր որակ ու արդյունավետություն մարտական խնդիրները հաջող կատարելու համար, ինչպես նաև միավորումների, զորամասերի և ստորաբաժանումների ներդաշնակում:

Օգոստոսի 11-ին ՀՀ ԶՈՒ մարտական պատրաստության վարչությունում կանցկացվի 1-օրյա հավաք-պարապմունք ՀՀ ԶՈՒ վերակազմվող և նոր կազմավորվող հրաձգային և մոտոհրաձգային զորամասերի հրամանատարների հետ: Հավաքի նպատակն է հրամանատարներին օժանդակել իրենց ֆունկցիոնալ պարտականությունների կատարման գործընթացում:

Ամերիկյան ARINC Engineering Services ընկերությունը ԱՄՆ բանակի հետ կնքած պայմանագրի համաձայն ավարտել է 22 ՄԻ-17 բազմանպատակ ուղղաթիռների մատակարարումը Իրաք:
Պայմանագիրը կնքվել էր 2007թ.: Ուղղաթիռները գնվել են Ռուսաստանից, ապա լրահամալրվել և արդիականացվել ԱՄԷ-ում:

Ճապոնիայի տեխնիկական հետազոտությունների և մշակումների ինստիտուտի մասնագետները ստեղծել են գնդաձև անօդաչու թռչող ապարատ:
Արդեն պատրաստ է ապարատի 7 նախատիպ: Էլեկտրաշարժիչով հանդերձված տարբերակը կարող է մինչև 60 կմ/ժ արագություն բացել:

Պենտագոնը մրցույթ է հայտարարել ամերիկյան զինծառայողների համար ունիվերսալ համազգեստ մշակելու համար: Այն պետք է ինքնուրույն հարմարվի եղանակային տարբեր պայմաններին` արևի տապին անհրաժեշտ զովություն ապահովի, տաքացնի սառնամանիքի ժամանակ, անջրաթափանց լինի:
Նոր համազգեստի շնորհիվ այլևս անհրաժեշտ չի լինի ուսապարկում համազգեստի լրացուցիչ կոմպլեկտ կրել եղանակային անակնկալներից խուսափելու համար: