ՆԱՏՕ-ի անդամ երկրները և մի շարք ասիական պետություններ սպառնում են Արկտիկայում Ռուսաստանի տնտեսական շահերին:

Այդ մասին հայտարարել է ՌԴ ռազմածովային ուժերի գլխավոր հրամանատար ծովակալ Վլադիմիր Վիսոցկին` կառավարությանն առընթեր ծովային կոլեգիայի նիստի ժամանակ: Նրա գնահատմամբ, արկտիկական տարածաշրջանը իրենց հետաքրքրությունների ոլորտ են համարում Հյուսիսատլանտյան դաշինքը, Չինաստանը, Ճապոնիան, Կորեան, նաև այնպիսի հանրահայտ «արկտիկական» երկրներ, ինպես Մալայզիան, Թայլանդը, ընդ որում այդ երկրների գործողությունների ակտիվացումը համակարգված, կոալիցիոն բնույթ է կրում:

2012 թվականին դրանք կկազմեն 1 տրիլիոն 847 միլիարդ ռուբլի, 2013-ին` 2 տրիլիոն 334 միլիարդ, իսկ 2014-ին` 2 տրիլիոն 752 միլիարդ:

Լրացուցիչ գումարը հիմնականում նախատեսված է զինված ուժերը նոր տեխնիկայով ու սպառազինությամբ համալրելու համար, իսկ մյուս ոլորտներում առավելապես նախատեսվում է ծախսերի կրճատումներ:

«Էստոնիայի բանակն ի վիճակի է կանգնեցնելու ռուսական տանկերը, մինչև օգնության հասնեն Հյուսիսատլանտյան դաշինքի ուժերը»,– օրերս հայտարարել է Էստոնիայի պաշտպանության նախարար Մարտ Լաարը:

«Եթե Վրաստանը կարողացավ ռուսական տանկերին թույլ չտալ անցնելու Ցխինվալից մինչև Թբիլիսի ընկած 90 կիլոմետրը, ինչո՞ւ նույնը չենք կարող անել և մենք»,– ասել նա` չքննարկելով այն հարցը, թե ռուսական տանկերն արդո՞ք ունեին մինչև Թբիլիսի հասնելու առաջադրանք:

Ադրբեջանի պաշտպանության նախարար Սաֆար Աբիևը, օրերս ելույթ ունենալով Հեյդար Ալիևի անվան Բարձրագույն ռազմական դպրոցի շրջանավարտների առջև, մի պահ մոռացել է, որ ժամանակին, մարտի դաշտում բախտի քմհաճույքին թողնելով զինակիցներին, ճողոպրել է: Հիշողության կորստի հենց այդ պահին էլ դասալիք նախարարը ադրբեջանցի ապագա սպաներին պատգամել է. «Պետք է պատրաստ լինեք ցանկացած պահի մարտի նետվելու՝ օկուպացված տարածքների ազատագրման համար։ Մի՛ մոռացեք, որ հայրենիքը ձեզանից սպասում է քաջություն և հաստատակամություն»:

Հայաստանի Հանրապետության պաշտպանության նախարարությունը հայտարարում է ռազմահայրենասիրական և բանակային թեմաներով երգերի մրցույթ` նվիրված ՀՀ ԶՈՒ կազմավորման 20-ամյակին:
Մրցույթին մասնակցել ցանկացողները կարող են ձայնագրությունների խտասկավառակները ներկայացնել ՀՀ պաշտպանության նախարարության տեղեկատվության և հասարակայնության հետ կապերի վարչություն (ք. Երևան, Բագրևանդի 5) մինչև ս.թ. օգոստոսի 20-ը:

Նրանց թիվը 6 տարում կավելանա շուրջ 2.5 անգամ, իսկ բանակի ընդհանուր թվաքանակն այլևս չի կրճատվի և կկազմի 1 միլիոն մարդ: Այդ մասին հայտարարել է ՌԴ պաշտպանության նախարար Անատոլի Սերդյուկովը` նշելով, որ պայմանագրայինների թվաքանակի պլանաչափ ավելացման շնորհիվ բանակը կխուսափի նաև զորակոչի հետ կապված` 2014 թվականին սպասվող մեծ բարդություններից, որի պատճառը 1990-ականներին ծնելիության նվազումն է:

Նրանք են` ՌԴ զինված ուժերի գլխավոր շտաբի պետի տեղակալ, օպերատիվ գլխավոր վարչության պետ, 50-ամյա գեներալ-լեյտենանտ Անդրեյ Տրետյակը, Ցամաքային զորքերի գլխավոր հրամանատարի 1-ին տեղակալ, Ցամաքային զորքերի գլխավոր շտաբի պետ, 50-ամյա գեներալ-լեյտենանտ Սերգեյ Սկոկովը և ՌԴ զինված ուժերի գլխավոր շտաբի ռադիոէլեկտրոնային պայքարի վարչության պետ, գեներալ-մայոր Օլեգ Իվանովը: Ի դեպ, նրանք երեքն էլ ՌԴ Նախագահի կողմից հաստատված կադրային ռեզերվում համարվում էին ծառայողական առաջքաշման ենթակա զինվորականներ: