Անցած շաբաթ ադրբեջանական բանակում եւս մի զարհուրելի հանցագործություն է բացահայտվել. Գերանբոյի շրջանում տեղակայված զորամասերից մեկում ձերբակալվել է ավագ լեյտենանտ Անար Ազիզովը, որը մեղադրվում է 7 զինվորի պարբերաբար բռնաբարելու համար: Զինվորների ծնողները փորձել են ինքնադատաստանի ենթարկել նրան, միջամտել է զորամասի հրամանատարությունը եւ անձնակազմի առաջ առերեսել է զինվորներին ու Ազիզովին, զինվորները հաստատել են եղելությունը: Բռնաբարված զինվորները տեղափոխվել են տարբեր զորամասեր («Բիզիմ յոլ», 09.03.2011):

Հայաստանի պաշտպանության ռազմավարական վերանայման աշխատանքները համակարգող միջգերատեսչական հանձնաժողովի 8-րդ նիստում, որը տեղի ունեցավ մարտի 23-ին պաշտպանության նախարարությունում, քննարկվեց Հանրային իրազեկման փաստաթղթի նախագիծը:
Նիստին մասնակցում էին պաշտպանության նախարար Սեյրան Օհանյանը, ՀՀ ազգային անվտանգության խորհրդի քարտուղար Արթուր Բաղդասարյանը, արտաքին գործերի փոխնախարար Արման Կիրակոսյանը, այլ գերատեսչությունների ներկայացուցիչներ:

Հակառակորդը ակտիվացրել է դիպուկահար գործողությունները` փորձելով հավելյալ լարվածություն հաղորդել հակամարտությանը: Կցանկանայի նշել, որ հակառակորդի որևէ սադրանք անպատիժ չի մնում: Մենք, որպես կանոն, պատժում ենք խստորեն, իսկ նրանց մարդկային կորուստների մասին հայտարարելը մեր գործը չէ: Տարբեր ուսումնասիրություններ վկայում են, որ Ադրբեջանի սանձազերծած սադրանքները ավարտվում են ադրբեջանցիների ավելի մեծ կորուստներով: Ցավոք, նրանք դեռևս դրանից դասեր չեն քաղում:

Մշակույթի եւ գիտության Չինական կենտրոնը Արորդիների ուխտ կազմակերպության հետ համատեղ Նարեկացի արվեստի միությունում նախաձեռնել եւ տոնել է Նոր տարին` ըստ սրբազան հին տոմարի:
Ինչպես նշեց տոմարագետ Սերգեյ Սիմոնյանը, Մարտի 21 կամ Հայոց սրբազան տոմարով՝ Արեգ ամսվա Արեգ օրը, Հայոց Ամանորն է՝ Երկրային տարեփոխումը:

Ամերիկյան «Picatinny» ընկերությունը արտոնագիր է ստացել` Իրաքում և Աֆղանստանում ինքնաշեն պայթուցիկ սարքերը չեզոքացնելու նպատակով կիրառվող ռոբոտների ղեկավարումը զինվորներին ուսուցանելու համար: Ուսուցումն իրականացվելու է հատուկ այդ նպատակով ստեղծված համակարգչային խաղի միջոցով:
Վարժասարքի ղեկավարման վահանակը իսկական ռոբոտների ղեկավարման վահանակի պատճենն է, իսկ էկրանի վրա արտապատկերվում է իրական մարտադաշտը` բոլոր «անակնկալներով»:

Մինչև այս տարվա հոկտեմբեր Ռուսաստանը Հնդկաստանին 900 մլն դոլարի դիմաց 10 տարով վարձակալությամբ կտրամադրի K-152 ատոմային սուզանավ: Ներկայում ռուս հրահանգիչները ուսուցանում են հնդկական անձնակազմին: Դասընթացը ներառում է նաև թևավոր հրթիռների արձակում:
2008թ. նոյեմբերին այս սուզանավի վրա հրդեհ էր բռնկվել և թունավոր գազերի արտահոսքի հետևանքով Ճապոնական ծավում զոհվել էր 20 նավաստի: Նորոգումից հետո սուզանավը պատրաստ է շահագործման:

ԱՄՆ-ի բանակը սկսում է արդիականացնել OH-58 Kiowa Warrior ուղղաթիռը` ստեղծելու համար դրա «F» մոդելը` ներկայիս «D»-ի փոխարեն: Կատարելագործվելու են սարքավորումները, տվիչները, մեծանալու է թռչող սարքի արտադրողականությունը: «F» մոդելի առաջին թռիչքը ծրագրվում է 2012թ.: Ընդհանուր առմամբ, բանակը ծրագրում է ձեռք բերել 368 ուղղաթիռ:
Այսօր OH-58 Kiowa Warrior 94 ուղղաթիռները Իրաքում և Աֆղանստանում լուծում են մի շարք կարևոր խնդիրներ, այդ թվում` հետախուզության, ինքնաշեն պայթուցիկ սարքերի հայտնաբերման և պահակախմբերի ուղեկցման:
Այս մեքենաներն ամենամեծ պահանջարկն ունեն բանակային ավիացիայում: