Վազգեն Սարգսյանի 65-ամյակի առթիվ իր անունը կրող զորամասում անցկացվել է հանդիսավոր միջոցառում: Միջոցառմանը ներկա են եղել բարձրաստիճան զինվորականներ, տեղական ինքնակառավարման մարմինների ներկայացուցիչներ և այլք։

Կարծրատիպերը կոտրելով և իրենց ուժերին վստահ հայուհիները ընդամենը ամիսներ առաջ ծառայության են անցել զինված ուժերում՝ համալրելով կանանց հրաձգային գումարտակի շարքերը։

Գիտելիքն ամեն ինչի հիմքն է: Գիտելիքն առաջին ինքնապաշտպանական միջոցն է…Սա գիտի ուսումնական զորամաս ոտք դրած յուրաքանչյուր կուրսանտ։ Զորամասում մասնագիտական կարճաժամկետ պատրաստություն են անցնում ինչպես տանկային ստորաբաժանումների մասնագետները, այնպես էլ հրաձգային ջոկերի հրամանատարները, սերժանտները, «Պաշտպան հայրենյաց» ծրագրով ծառայող զինվորականները։

Իրանի Իսլամական Հանրապետություն կատարած պաշտոնական այցի շրջանակում ՀՀ պաշտպանության նախարար Սուրեն Պապիկյանը հանդիպել է Իրանի զինված ուժերի շտաբի պետ, գեներալ-մայոր Մոհամմադ Բաղերիի հետ:

ԻԻՀ պաշտպանության և զինված ուժերի աջակցման նախարարությունում դիմավորման հանդիսավոր արարողությունից հետո տեղի է ունեցել ՀՀ պաշտպանության նախարար Սուրեն Պապիկյանի և ԻԻՀ պաշտպանության ու զինված ուժերի աջակցման նախարար, բրիգադի գեներալ, դոկտոր Մոհամմադ Ռեզա Ղարաի Աշթիանիի հանդիպումը։

Մարտի 6-ին՝ Իրանի Իսլամական Հանրապետություն կատարած պաշտոնական այցի շրջանակում, Իրանի պաշտպանության և զինված ուժերի աջակցման նախարարությունում տեղի է ունեցել ՀՀ պաշտպանության նախարար Սուրեն Պապիկյանի դիմավորման հանդիսավոր արարողությունը՝ զինվորական նվագախմբի և պատվո պահակախմբի մասնակցությամբ:

Մարտի 6-ին ՀՀ պաշտպանության նախարար Սուրեն Պապիկյանի գլխավորած պատվիրակությունը պաշտոնական այցով մեկնել է Իրանի Իսլամական Հանրապետություն։