5-րդ զորամիավորումում անցկացվող գերատեսչական ստուգումների շրջանակում մարտի 4-ին զորամիավորման վարչակազմի սպաները հանձնել են օպերատիվ արվեստի և զորքերի կառավարման քննություններ։

4-րդ զորամիավորման զորամասերից մեկում գործնական պարապմունքներ են անցկացվել մարտական հերթապահության մեկնող ստորաբաժանումների անձնակազմի հետ:

3-րդ զորամիավորման զորամասերից մեկում մարտի 4-ին նորակոչիկ զինծառայողների հետ անցկացվել են շարային պատրաստության պարապմունքներ։

Մարտի 4-ին 2-րդ զորամիավորման հրամանատար, գեներալ-մայոր Ա. Հարությունյանը ստուգայցով եղել է զորամիավորման ենթակայությամբ գործող զորամասերից մեկում։

1-ին զորամիավորման զորամասերում իրականացվել են մարտական հերթապահության հերթափոխի նախապատրաստական աշխատանքներ։ Զորամասերից մեկում շարային ստուգատեսն անցկացրել է զորամիավորման հրամանատար, գեներալ-մայոր Ժ. Պողոսյանը։

Մարտի 5-ին ՀՀ պաշտպանության նախարար Վաղարշակ Հարությունյանը հանդիպել է ՀՀ ԶՈՒ պատրաստության գլխավոր վարչության և ենթակա վարչությունների ու բաժինների անձնակազմերի հետ։

ՀՀ պաշտպանության նախարար Վաղարշակ Հարությունյանը մարտի 5-ին ՊՆ վարչական համալիրում հյուրընկալել է Վազգեն Սարգսյանի անվան ռազմական համալսարանի և Արմենակ Խանփերյանցի անվան ռազմական ավիացիոն համալսարանի իգական սեռի կուրսանտներին, ինչպես նաև արցախյան պատերազմին մասնակցած մի շարք կին զինծառայողների։