Կապի ստորաբաժանումների անձնակազմի մասնագիտական գիտելիքները ստուգելու, բացազատված կապի համակարգի կայունությունն ապահովելու, ազդանշանների հաղորդման և ստացման ժամանակ զինծառայողների գործնական հմտությունները կատարելագործելու նպատակով հունվարի 12-ին 4-րդ զորամիավորումում անցկացվել են մասնագիտական վարժանքներ:

4-րդ զորամիավորման ենթակա ստորաբաժանումներից մեկի հետ հունվարի 11-ին անցկացվել են գործնական պարապմունքներ։

Անձնակազմի մասնագիտական տեսական գիտելիքներն ստուգելու և գործնական հմտությունները զարգացնելու նպատակով 1-ին զորամիավորման հակաօդային պաշտպանության հրամանատարական կետի զինծառայողների հետ անցկացվել է ուսումնական պարապմունք։

3-րդ զորամիավորման ենթակայությամբ գործող զորամասերից մեկում​ անցկացվել է մարտական հերթապահության հերթափոխ։

Զինծառայողների կրակային պատրաստության մակարդակը և հաստիքային զենքի տիրապետման հմտությունները զարգացնելու նպատակով 2-րդ զորամիավորման ենթակայությամբ գործող զորամասերից մեկում անցկացվել է կրակային պատրաստության տեսական պարապմունք:

5-րդ զորամիավորման ենթակայությամբ գործող N զորամասի մարտական հենակետերում իրականացվել են ստուգայցեր։

Դեկտեմբերի 29-ին 4-րդ զորամիավորումում անցկացվել է հավաք-խորհրդակցություն, որին մասնակցել են ենթակա զորամասերի հրամանատարներն ու տեղակալները, զորատեսակների և ծառայությունների պետերը։