Զինծառայողների մարտական պատրաստության, զինվորական կարգապահության և մարտական հերթապահության կազմակերպման հարցերի քննարկման նպատակով սեպտեմբերի 8-ին 4-րդ զորամիավորումում անցկացվել է հավաք-խորհրդակցություն։

Սեպտեմբերի 8-ին 2-րդ զորամիավորման N զորամասի պահպանության տեղամասում իրականացվել են տեղազննման աշխատանքներ։

Սեպտեմբերի 9-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Միացյալ Թագավորության դեսպանության գործերի ժամանակավոր հավատարմատար տիկին Հելեն Ֆեյզիին:

Սեպտեմբերի 9-ին ՀՀ պաշտպանության նախարար Դավիթ Տոնոյանն ընդունել է ՀՀ-ում Լեհաստանի Հանրապետության արտակարգ և լիազոր դեսպան Պավել Չեպլակին և ռազմական կցորդ, գնդապետ Վոյչեխ Վիշնևսկուն:

Պաշտպանության ոլորտում հայկական երկու հանրապետությունների փոխգործակցության շրջանակում, ռազմաբժշկական հաստատությունների գործունեությանը ծանոթանալու և առկա խնդիրները տեղում քննարկելու նպատակով, սեպտեմբերի 1-ից 5-ը ՀՀ ՊՆ զինծառայողների առողջապահական, սոցիալական պաշտպանության և վետերանների հարցերով գլխավոր վարչության պետ, գնդապետ Ալեքսանդր Ավետիսյանի գլխավորած պատվիրակությունն աշխատանքային այցով եղել է Արցախի Հանրապետությունում: Պատվիրակությունն այցելել է նաև Գեղարքունիքի և Զանգեզուրի կայազորային հոսպիտալներ:

Սեպտեմբերի 7-ը զինված ուժերի տոնացույցում նշվում է որպես ինժեներական զորքերի օր:

Սեպտեմբերի 7-ին 4-րդ զորամիավորման հրաձգարաններից մեկում ուսումնական վաշտի զինծառայողներն անցկացրել են կրակային պատրաստության տեսական և գործնական պարապմունքներ։