Օգոստոսի 7-ին ՀՀ ԶՈՒ գլխավոր շտաբի պետ գեներալ-լեյտենանտ Օնիկ Գասպարյանը հետևել է դեսանտագրոհային ստորաբաժանումների վարժանքներին: Հանրապետության հարավարևմտյան ուղղությամբ տեղակայված զորամիավորումներից մեկում անցկացվել է մարտավարական զորավարժություն դեսանտագրոհային ուժերի, ռազմական ավիացիայի, հրետանային, հրաձգային և մոտոհրաձգային ստորաբաժանումների ներգրավմամբ:

Անձնակազմի մարտական պատրաստության աստիճանը, բարոյահոգեբանական վիճակը և մարտական հենակետերի ապահովվածությունը ստուգելու նպատակով 5-րդ զորամիավորման հրամանատարի բարոյահոգեբանական գծով տեղակալի ղեկավարությամբ N զորամասի պահպանության գոտու մարտական հենակետերում անցկացվել են ստուգումներ:

4-րդ զորամիավորման ենթակա զորամասերից մեկում օգոստոսի 6-ին անցկացվել է մարտավարական գործնական պարապմունք:

Անձնակազմի տեսական գիտելիքները կատարելագործելու և գործնական հմտությունները զարգացնելու նպատակով օգոստոսի 6-ին 1-ին զորամիավորման զորամասերից մեկի հրետանային ստորաբաժանումների զինծառայողների հետ անցկացվել են մասնագիտական պարապմունքներ:

Օգոստոսի 5-ին անցկացվել է 1-ին զորամիավորման զորամասերի ավտոմատ կառավարման կենտրոնների պետերի հավաք-խորհրդակցություն։

Զորամիավորումներում շարունակվում է զինված ուժերը համալրած նորակոչիկների պատրաստության գործընթացը։

4-րդ զորամիավորման զորամասերում օգոստոսի 4-ից 5-ն անցկացվել են մասնագետների ցուցադրական հավաք-պարապմունքներ: