Փետրվարի 8-ին` Սուրբ Սարգիս զորավարի տոնի առթիվ, Արարատյան Հայրապետական թեմի` Սրբի անունը կրող չորս եկեղեցիներում մատուցվեց Սուրբ պատարագ: Առաջնորդանիստ Սուրբ Սարգիս եկեղեցում պատարագը մատուցվեց Տեր Նավասարդ արքեպիսկոպոս Կճոյանի հանդիսապետությամբ:

Փետրվարի 13-ից 14-ը ՀՀ պաշտպանության նախարար Դավիթ Տոնոյանի գլխավորած պատվիրակությունը պաշտոնական այցով կմեկնի Բելառուսի Հանրապետություն:

1-ին զորամիավորման հրետանային զորամասերից մեկում տեղի է ունեցել զինված ուժերի շարքերը համալրած նորակոչիկների երդման հանդիսավոր արարողություն, որին մասնակցել են զորամիավորման հրամանատար, գնդապետ Ժ. Պողոսյանը, տեղական ինքնակառավարման մարմինների ներկայացուցիչներ, հոգևորականներ, նորակոչիկների հարազատներ, հյուրեր:

Փետրվարի 11-ին 5-րդ զորամիավորման վարչակազմը և ապահովման ստորաբաժանումներն անցկացրել են մարտական հրաձգությամբ կրակային պատրաստության գործնական պարապմունք:

Փետրվարի 11-ին 3-րդ և 4-րդ զորամիավորումներում տեղի են ունեցել կին զինծառայողների երդման հանդիսավոր արարողություններ:

Փետրվարի 11-ին ՀՀ ԶՈՒ ԳՇ պետ, գեներալ-լեյտենանտ Արտակ Դավթյանն ընդունել է տարբեր բնույթի հարցերով դիմած մի խումբ քաղաքացիների:

Հրամանատարների տեսական գիտելիքներն ու գործնական հմտությունները կատարելագործելու նպատակով 1-ին զորամիավորման N զորամասում փետրվարի 10-ին անցկացվել է ցուցադրական մարտավարաշարային պարապմունք: