ՀՀ ԶՈՒ գլխավոր շտաբում հունվարի 20-24-ը անցկացվում են զինված ուժերի սպա-իրավաբանների հավաքներ:

5-րդ զորամիավորումում մեկնարկել են վարչակազմի սպաների հավաքներ։ Զորամիավորման հրամանատարը հանձնարարականներ է տվել անձնակազմին սպաների մասնագիտական գիտելիքների ու գործնական հմտությունների կատարելագործելմանը և դրանք ամենօրյա ծառայության ընթացքում կիրառմանը միտված պարապմունքների անցկացման վերաբերյալ:

Հունվարի 21-ին տեղի է ունեցել 3-րդ զորամիավորման ենթակայությամբ գործող զորամասերից մեկի նորակոչիկների երդման արարողությունը, որին մասնակցել են զինծառայողների ծնողներն ու հարազատները, զորամասի հրամանատարական կազմը, տեղական ինքնակառավարման մարմինների ներկայացուցիչներ ու հոգևորականներ։

ՀՀ ՊՆ աշխատանքային խումբը մասնակցում է հունվարի 21-ից 23-ը ՀԱՊԿ միացյալ շտաբում անցկացվող «ՀԱՊԿ հավաքական անվտանգության համակարգի ղեկավարման մարմինների և կազմավորումների ուժերի ու միջոցների համատեղ պատրաստության 2021թ. պլանի» նախագծի քննարկմանն ու ՀԱՊԿ անդամ պետությունների շահագրգիռ նախարարությունների և գերատեսչությունների ներկայացուցիչների խորհրդատվություններին:

ՀՀ զինված ուժերի գլխավոր շտաբի պետ, գեներալ-լեյտենանտ Արտակ Դավթյանը հունվարի 21-ին ՊՆ վարչական համալիրում հանդիպել է զինված ուժերի հետ համագործակցող մատակարար ընկերությունների ներկայացուցիչների ու անհատ ձեռներեցների հետ:

Հունվարի 20-ին Եղեգնաձորի «Սուրբ Աստվածածին» եկեղեցում մատուցվել է Սբ. Պատարագ, որին մասնակցել են ձմեռային զորակոչի շրջանակում պարտադիր զինվորական ծառայության մեկնող զինակոչիկները, Վայոց Ձորի մարզպետ Արարատ Գրիգորյանը, մարզի զինվորական կոմիսար Արմեն Հովսեփյանը, 4-րդ զորամիավորման սպաներ, զինակոչիկների հարազատները:

Անձնակազմի տեսական և գործնական հմտությունները կատարելագործելու նպատակով 3-րդ զորամիավորման ենթակայությամբ գործող զորամասերում անցկացվել է մարտական պատրաստականության օր։