4-րդ զորամիավորումում անցկացվել է 2019թ. ուսումնական տարվա արդյունքների ամփոփմանը նվիրված խորհրդակցություն, որին մասնակցել են ՀՀ ԶՈւ պատրաստության գլխավոր վարչության մարտական պատրաստության վարչության պետ, գեներալ-մայոր Վալերի Քոչարյանը, զորամասերի հրամանատարները, Վայոց ձորի մարզի զինվորական կոմիսարը և այլք:

Հունվարի 14-ին 2-րդ զորամիավորումում ամփոփվել են 2019 թվականի 2-րդ կիսամյակում կատարված աշխատանքները: Խորհրդակցությանը մասնակցել է ՀՀ ԶՈւ պատրաստության գլխավոր վարչության պետ-ԶՈւ ԳՇ պետի տեղակալ, գեներալ-մայոր Անդրանիկ Մակարյանը:

Զինված ուժերը համալրող նորակոչիկների հետ զորամասերում անցկացվում են տեսական և գործնական պարապմունքները։

Հունվարի 15-ին ՀՀ ԶՈՒ ԳՇ զորքերի ծառայության վարչության պետ, գնդապետ Ա. Պետրոսյանը աշխատանքային այցով եղել է ՀՀ ՊՆ կենտրոնական զինվորական կլինիկական և Երևանի կայազորային զինվորական հոսպիտալներում, ծանոթացել բուժհաստատություններում առօրյա ծառայության կազմակերպմանը և ցուցումներ տվել հայտնաբերված բացթողումները վերացնելու վերաբերյալ:

Զինված ուժերում շարունակվում է պարտադիր ժամկետային զինվորական ծառայությունն ավարտած զինծառայողների զորացրման գործընթացը։

Անձնակազմի մասնագիտական գիտելիքներն ստուգելու և մարտական պատրաստականության աստիճանը բարձրացնելու նպատակով 1-ին զորամիավորման վարչակազմին ազդարարվել է ուսումնական տագնապ, ճշգրտվել են մարտական խնդիրները։

ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը հունվարի 14-ին Բրյուսելում՝ ՆԱՏՕ-ի կենտրոնակայանում, մասնակցել է «Վճռական աջակցություն» և «Կոսովոյի ուժեր» առաքելությունների ձևաչափերով ՆԱՏՕ-ի ռազմական կոմիտեի՝ գլխավոր շտաբների պետերի մակարդակով նիստերին: