Սպառազինության և ռազմական տեխնիկայի սեզոնային սպասարկման աշխատանքները վերահսկելու նպատակով զինված ուժերի զորամասեր է այցելել ՀՀ ԶՈՒ սպառազինության պետ – վարչության պետ, գեներալ-մայոր Պ.Պողոսյանը:

ՀԱՊԿ անդամ պետությունների զինված ուժերի համատեղ օպերատիվ և մարտական պատրաստության 2019թ. պլանի համաձայն Տաջիկստանի Հանրապետությունում անցկացվող «Անքակտելի եղբայրություն-2019» համատեղ խաղաղապահ զորավարժությանն ընդգրված ՀՀ ԶՈՒ խաղաղապահ բրիգադի զինծառայողները մասնակցել են Կարմիր խաչի և Կարմիր մահիկի միջազգային կազմակերպության կազմակերպած դասընթացին:

ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը հոկտեմբերի 27-ին այցելել է ՀՀ ԶՈՒ կենտրոնական կլինիկական զինվորական հոսպիտալ:

Մարտական և ֆիզիկական պատրաստվածության մակարդակի բարձրացման, կրակային խնդիրների կատարման ժամանակ գործողությունների ներդաշնակման նպատակով հոկտեմբերի 26-ին 4-րդ զորամիավորման ենթակա զորամասերից մեկի զինծառայողներն անցկացրել են սպառազինությամբ և զինամթերքի լրակազմով 10 կմ երթարշավ, կազմակերպվել է հրաձգության գործնական պարապմունք։

Հոկտեմբերի 26-ին ՀՀ ՊՆ Վ. Սարգսյանի անվան ռազմական համալսարանում կազմակերպվել է ծառատունկ՝ նվիրված ռազմաուսումնական հաստատության կազմավորման 25 ամյակին:

Հոկտեմբերի 24-ին 4-րդ զորամիավորման զորամասերից մեկում իրականացվել է մարտական հերթապահության հերթափոխ:

Ականանետային մարտկոցի հաստիքային սպառազինությունը մարտական վիճակի բերելու և նշանակետերի հետախուզման մասնագիտական հմտությունները կատարելագործելու նպատակով հոկտեմբերի 24-ին 4-րդ զորամիավորման ենթակա զորամասերից մեկում ականանետային դասակների անձնակազմերի հետ անցկացվել են հրաձգության և կրակի կառավարման մարզումներ: