Հոկտեմբերի 10-ին 2-րդ զորամիավորումում անցկացվել են շտաբային մարզումներ:

Հոկտեմբերի 10-ին 4-րդ զորամիավորման վարչակազմն անցկացրել է կրակային պատրաստության գործնական պարապմունք:

Զինծառայողների կրակային պատրաստության տեսական գիտելիքները և մարտի վարման գործնական հմտությունները կատարելագործելու նպատակով 3-րդ զորամիավորումում անցկացվել է գիշերային պայմաններում մարտական հրաձգության պարապմունք։

ՀԱՊԿ օպերատիվ արձագանքման հավաքական ուժերի «Փոխգործակցություն-2019» համատեղ հրամանատարաշտաբային զորավարժությանը և նախապատրաստական փուլին մասնակցելու նպատակով Ռուսաստանի Դաշնություն է մեկնել ՀՀ զինված ուժերի ստորաբաժանումը:

ՀՀ պաշտպանության նախարարի տեղակալ Մ.Ղամբարյանը մասնակցել է Ռուսաստանի Դաշնությունում հոկտեմբերի 9-ից 11-ն անցկացված ՀԱՊԿ անդամ պետությունների պաշտպանության նախարարների խորհրդին առընթեր ՀԱՊԿ զորքերի (Հավաքական ուժերի) նյութատեխնիկական ապահովման հարցերով աշխատանքային խմբի անդրանիկ նիստին:

ՀԱՊԿ հավաքական անվտանգության ղեկավարման մարմինների և կազմավորումների ուժերի ու միջոցների օպերատիվ և մարտական պատրաստության համատեղ միջոցառումների 2019թ. պլանի համաձայն անցկացվող ՀԱՊԿ անդամ պետությունների զինված ուժերի հետախուզության ուժերի և միջոցների «Որոնում-2019» զորավարժությանը և նախապատրաստական փուլին մասնակցելու նպատակով Բելառուսի Հանրապետություն՝ Բարանովիչի է մեկնել ՀՀ զինված ուժերի ստորաբաժանումը:

Հոկտեմբերի 9-ին ՀՀ ԶՈՒ ԱՀՏԱ վարչությունը Վ. Սարգսյանի անվան ռազմական համալսարանում կազմակերպել էր երիտասարդ գրող Տաթև Կոստանյանի (Տա Թևեր) «731 օր քեզ համար» գրքի շնորհանդեսը: