Սեպտեմբերի 24-ին 5-րդ զորամիավորման զորամասերը ռազմավարական զորավարժության շրջանակում բերվել են մարտական պատրաստականության «Լրիվ» աստիճանի:

Սյունիքի մարզի զինկոմիսարիատն ու ստորաբաժանումները ռազմավարական զորավարժության շրջանակներում սահմանված ժամկետում ավարտել են պատերազմական հաստիքներին կցագրված անձնակազմի համալրումը:

Սեպտեմբերի 24-ին, ռազմավարական զորավարժության շրջանակում, 3-րդ զորամիավորումը բերվել է մարտական պատրաստականության «Լրիվ» աստիճանի` hամապատասխան սահմանափակումներով:

Սեպտեմբերի 24-ին մեկնարկած ռազմավարական զորավարժության ընթացքում իրականացվում են նաև մշակութային միջոցառումներ, որոնց ակտիվորեն մասնակցում են Հայաստանի տարբեր բնակավայրերի երգի-պարի համույթներ, մշակութային կրթօջախներ, զորամասերի գեղարվեստական ինքնագործունեության խմբեր:

Ռազմավարական զորավարժության շրջանակներում 4-րդ զորամիավորման զորամասերը բերվել են մարտական պատրաստականության «Լրիվ» աստիճանի: Համագործակցելով տեղական ինքնակառավարման մարմինների և Երկրապահ կամավորականների միության տարածքային բաժինների հետ` սահմանված ժամկետում իրականացվել է պատերազմական հաստիքներին կցագրված անձնակազմի համալրումը:

Սեպտեմբերի 24-ին Գեղարքունիքի մարզի զինկոմիսարիատն ու ստորաբաժանումները ռազմավարական զորավարժության շրջանակներում ամբողջությամբ կատարել են պատերազմական հաստիքներին կցագրված անձնակազմի համալրման աշխատանքները:

Սեպտեմբերի 24-ին ՀՀ պաշտպանության նախարար Դավիթ Տոնոյանը ռազմավարական զորավարժության շրջանակում եղել է Կոտայքի մարզի զորքերի համալրում իրականացնող կետերից մեկում, հետևել պահեստազորայինների և ավտոմոբիլային տեխնիկայի զորահամալրման գործընթացին, զրուցել զինապարտների հետ: