Համաձայն ՀՀ ԶՈՒ 2019թ. պատրաստության պլանի՝ սեպտեմբերի 24-ից հոկտեմբերի 5-ն անցկացվելու է ռազմավարական զորավարժություն, որին բացի ուժային կառույցներից, մասնակցելու են նաև ՀՀ բոլոր պետական գերատեսչությունները:

Տեղանքում ճիշտ կողմնորոշվելու և քողարկվելու հմտությունները կատարելագործելու նպատակով 5-րդ զորամիավորման հատուկ նշանակության խմբերը օգոստոսի 12-ին անցկացրել են մարտվարամասնագիտական հատուկ պարապմունք:

Սպաների տեսական գիտելիքները զարգացնելու և տարբեր իրավիճակներում որոշումներ կայացնելու հմտությունները կատարելագործելու նպատակով օգոստոսի 12-ից 14-ը 2-րդ զորամիավորման վարչակազմի հետ անցկացվում են օպերատիվ հավաքներ:

Օգոստոսի 12-ին Արմավիրի մարզի Մեծամոր քաղաքում հանդիսավորությամբ բացվել է ապրիլյան քառօրյա պատերազմի հերոս Սաշա Գալստյանի հիշատակին նվիրված հուշարձանը:

«Խաղաղության մարտիկ» մրցույթի շրջանակում անցկացվել են եզրափակիչ երկու մրցաձևերը:

«Միջազգային բանակային խաղեր-2019»-ի շրջանակում անցկացվող «Վստահ ընդունում» մրցույթի հայաստանյան թիմի մասնակիցները օգոստոսի 12-ին 4-րդ փուլում մասնակցել են «Բանալիների հաղորդում» մրցույթի ցերեկային փուլին` առայժմ զբաղեցնելով 4-րդ տեղը:

Օգոստոսի 10-ին 2-րդ, 3-րդ և 4-րդ զորամիավորումների զորամասերում անցկացվել են զինվորական երդման հանդիսավոր արարողություններ: Նորակոչիկ զինվորները երդվել են անձնվիրաբար ծառայել հայրենիքին և լինել հավատարիմ զինվորական կոչմանը: