Հայաստանի Հանրապետությունում անցկացվող «Խաղաղության մարտիկ» մրցույթի շրջանակում մեկնարկել է ռազմամասնագիտական «Աթլետ» մրցափուլը:

Այսօր «Միկա» մարզադաշտում կայացել է ֆուտբոլի Հայաստանի առաջնության առաջին խմբի առաջին տուրի «Լոկոմոտիվ»-«ԲԿՄԱ» հանդիպումը, որն անդրանիկն էր պաշտպանության նախարարության ֆուտբոլային ակումբի համար։

Օգոստոսի 7-ին և 8-ին «Դաշտային խոհանոց» մրցաձևին մասնակցող ՀՀ ԶՈւ խոհարարները պատրաստել են հացաբուլկեղեն և մի քանի ճաշատեսակներ, որոնք ներկայացվել են մրցավարական կազմին: Մասնակից թիմերի ղեկավարներից կազմված արհեստավարժ ժյուրին բարձր է գնահատել հայ խոհարարների պատրաստած կերակրատեսակները:

Օգոստոսի 8-ին 2-րդ զորամիավորման վարչակազմի զինծառայողների հետ անցկացվել է անվտանգության կանոնների պարապմունք: Բացազատված ուսումնական կետերում անձնակազմին մանրամասն ներկայացվել է զինվորական ծառայության անվտանգության կանոնների պահպանման կարգը:

Զինծառայողների՝ հակառակորդի օդուժն անմիջապես հայտնաբերելու և ոչնչացնելու գործնական ունակությունները կատարելագործելու նպատակով 5-րդ զորամիավորումում հակաօդային պաշտպանության ստորաբաժանումների անձնակազմի հետ անցկացվել է հավաք-պարապմունք:

Համաձայն նախապատրաստական փուլի պլանի` 1-ին զորամիավորման հրամանատարական կազմի հետ անցկացվել են ցուցադրական պարապմունքներ։

ՀՀ ՊՆ «Մայր Հայաստան» ռազմական պատմության թանգարանում, «Միջազգային բանակային խաղեր 2019»-ի շրջանակում, կայացել է մասնակիցների ռազմապատմագիտական գիտելիքների ստուգման «Խաղաղության մարտիկ» միջազգային մրցույթի «Էրուդիտ» մրցափուլը: