2019թ. ամառային զորակոչի նախապատրաստական վերջին փուլում կենտրոնական հավաքակայան է այցելել ՀՀ ԶՈՒ գլխավոր շտաբի պետ, գեներալ-լեյտենանտ Արտակ Դավթյանը: ԳՇ պետը ծանոթացել է զորակոչի նախապատրաստական աշխատանքներին, համապատասխան ցուցումներ ու հանձնարարականներ է տվել զորակոչի անցկացման պատասխանատուներին:

Հունիսի 25-ին 1-ին զորամիավորման հրամանատարությունը մարտական հերթապահության և մարտական պատրաստության լավագույն ցուցանիշներ ունեցող զինծառայողներին պարգևատրել է պատվոգրերով և արժեքավոր նվերներով:

Պաշտպանական և հարձակողական գործողությունները հստակ և արագ կատարելու, գիշերային մարտում «որոնում» կազմակերպելու և իրականացնելու նպատակով 5-րդ զորամիավորման ստորաբաժանումներից մեկում
անցկացվել է մարտական հրաձգությամբ հատուկ պարապմունք:

1-ին զորամիավորումում ավարտական քննություններին ընդառաջ շարունակվում են մարտական պատրաստության պարապմունքներն ու վարժանքները։ Անձնակազմը համաձայն նորմացույցների ճիշտ և ժամանակին կատարել է բոլոր վարժությունները։

Հունիսի 25-ին ՀՀ պաշտպանության նախարարի տեղակալ Գաբրիել Բալայանն ընդունել է աշխատանքային այցով Երևան ժամանած Բուլղարիայի պաշտպանության նախարարության ռազմական ոստիկանության ծառայության տնօրեն, բրիգադի գեներալ Բորիսլավ Սերտովի գլխավորած պատվիրակությանը:

Հունիսի 25-ին 2-րդ զորամիավորումում անցկացվել է «Կապի շարժական միջոցների բացազատումը և կարգավորումը» թեմայով մարտավարամասնագիտական պատրաստության պարապմունք:

Սակրավորների մասնագիտական ու գործնական հմտությունները զարգացնելու նպատակով «Հումանիտար ականազերծման և փորձագիտական կենտրոն» ՊՈԱԿ-ի ուսումնական կենտրոնում «HALO TRUST» կազմակերպության մասնագետներն անցկացրել են առաջին բուժօգնության դասընթաց: