Հունիսի 11-ին ՀՀ ԶՈՒ ԳՇ հանձնաժողովն անակնկալ ստուգում է իրականացրել 3-րդ զորամիավորումում: Զորամիավորման շտաբն ուսումնական տագնապով բերվել է մարտական պատրաստականության բարձր աստիճանի, ծավալվել են կառավարման կետերը, ըստ պլանի զարգացվել է իրադրությունը:

5-րդ զորամիավորման կապի ստորաբաժանումներում անցկացվող մարտավարական-մասնագիտական զորավարժության շրջանակում անձնակազմն իրականացրել է նորմացույցների և ուսումնական խնդիրների ներդաշնակ գործողություններ, կատարելագործել հաստիքային տեխնիկայի շահագործման, կիրառման և սպասարկման գիտելիքները:

Հունիսի 12-ին 1-ին զորամիավորման զորամասերից մեկում տանկային վաշտի հետ անցկացվել են ցուցադրական մեթոդական պարապմունքներ, որոնց նպատակն էր ուսուցանել անձնակազմին բարդ տեղանքում, ինչպես նաև ցերեկային և գիշերային պայմաններում ներդաշնակ գործելու առանձնահատկությունները:

Հունիսի 3-ից 17-ը 1-ին զորամիավորման ինժեներասակրավորային ստորաբաժանումներում անցկացվում են մասնագիտական ճամբարային հավաքներ:

Հունիսի 11-ին 1-ին զորամիավորման զորամասերից մեկում կազմակերպվել է արգելագոտու հաղթահարման ցուցադրական պարապմունք:

Մարտական դիրքի վերջին հենակետում անձնակազմը հսկում է հակառակորդի միանգամից մի քանի հենակետերի շարժն ու գործողությունները, հայ դիրքապահների նշանառության ներքո են նաև հակառակ կողմի ենթակառուցվածքները, կարևոր նշանակության օբյեկտները։

Արաքս գետի ձախ ափին է Փոքր Վեդին, բիբլիական Արարատի հայացքի ներքո: Քաղաքի մշտական աշխույժ եռուզեռից հետո մի փոքր անսովոր է գյուղի լռությունը, փողոցները գրեթե դատարկ են, մեծ ու փոքր վաղ առավոտից դաշտերում են: